鳳城酒家

營業中

休息中

很久沒有約一班朋友食飯了，最近終於比較有空，便決定，和大家一起再吃一點好味的食物。是夜感覺最好味的食物，竟比想象中少，不知是食物的水準下降，還是我的味覺差了呢？又或者因酒家太忙，做不出最好的水準呢？當晚最喜歡的食物，包括有生魚湯、鵪鶉鬆生菜包、乳豬拼盤和粉果。生魚湯- 魚味鮮甜、芥菜味又香濃，可惜份量得小半碗，唔多夠喉。鵪鶉鬆生菜包- 看見切得這樣幼細的肉和配料，已知鵪鶉鬆的事前預備功夫，真係唔少；如自家做，相信都有排搞。生菜新鮮爽口，加上鵪鶉鬆，真係越食越想食，可說是今晚最喜歡的一味。乳豬拼盤- 乳豬燒得好脆，而且唔會太肥，喜歡食瘦肉的，一定會喜歡；叉燒很入味，而且食落又唔會好韌，半肥瘦，係我最喜歡的質感，送酒食，真係最高享受。粉果- 蒸的皮薄餡靚，煙煙韌韌；炸的香口又唔油，加上上湯一起食，更加沒有這樣熱氣；也是今夜比較出色的一味。相信如要食出這酒家它，要找一些人少的日子再來，預早訂下所有要預訂和出色的食物，才能真真正正食出它的水準。可能實在太多人客了，今晚沒有什麼服務可言，但也可以接受和明白的！很高興再見到各位，期望下次的來臨。