影片
更多
2024-06-27
64 瀏覽
🌟餐廳：寿々乃📍地址：跑馬地黃泥涌道163號地舖💰價位：～$800⏰營業時間：星期一至日12:00 - 15:00 / 18:30 - 23:00📱電話：2377 0228呢排真係超忙超多野做🙈🙈出糧係時候要獎勵一下自己💁🏻♀️💁🏻♀️今次同朋友仔book咗位於跑馬地既🌟寿々乃🌟一嚐晚市omakase，主打晚市套餐一共有20道菜，包括前菜、吸物、時令刺身、季節料理二品、煮物、手握壽司十貫、味噌湯及甜品❗️高質又豐富，嗱嗱聲介紹俾大家先😍😍✨前菜🔹宮崎小沢蟹造型可愛嘅宮崎小沢蟹，外殼卜卜脆入口鬆化，迷你嘅蟹仔入邊帶着甘香濃郁嘅蟹膏，可以原隻食，味道出眾！🔹根室海膽 x 水雲醋物底有水雲醋物，入口滑順微微酸，超開胃；上層有厚厚嘅根室海膽，入口特別Creamy，成個組合夠晒出色！🔹螢光魷魚螢光魷魚夠晒時令，肉質彈牙，內裏爆汁，鮮味十足！🔹醋漬長野蘆筍試埋呢款來自長野嘅蘆筍，簡單用醋漬方法處理更突出蘆筍嘅清甜味道，口感爽脆！✨碗物鱧魚清甜肉爽，簡單以清湯熬煮，再加入新鮮柚子及純菜，能夠品嚐鱧魚原汁原味既鮮甜味！✨時令刺身🔹愛知縣鱸魚鱸魚魚脂豐富，師傅特意厚切大大片，令到口感更加突出，鱸魚肉質爽甜
📍地址：跑馬地黃泥涌道163號地舖
💰價位：～$800
⏰營業時間：星期一至日12:00 - 15:00 / 18:30 - 23:00
📱電話：2377 0228
呢排真係超忙超多野做🙈🙈出糧係時候要獎勵一下自己💁🏻♀️💁🏻♀️
今次同朋友仔book咗位於跑馬地既🌟寿々乃🌟一嚐晚市omakase，主打晚市套餐一共有20道菜，包括前菜、吸物、時令刺身、季節料理二品、煮物、手握壽司十貫、味噌湯及甜品❗️高質又豐富，嗱嗱聲介紹俾大家先😍😍
✨前菜
🔹宮崎小沢蟹造型可愛嘅宮崎小沢蟹，外殼卜卜脆入口鬆化，迷你嘅蟹仔入邊帶着甘香濃郁嘅蟹膏，可以原隻食，味道出眾！
🔹根室海膽 x 水雲醋物底有水雲醋物，入口滑順微微酸，超開胃；上層有厚厚嘅根室海膽，入口特別Creamy，成個組合夠晒出色！
🔹螢光魷魚
螢光魷魚夠晒時令，肉質彈牙，內裏爆汁，鮮味十足！
🔹醋漬長野蘆筍試埋呢款來自長野嘅蘆筍，簡單用醋漬方法處理更突出蘆筍嘅清甜味道，口感爽脆！
✨碗物
鱧魚清甜肉爽，簡單以清湯熬煮，再加入新鮮柚子及純菜，能夠品嚐鱧魚原汁原味既鮮甜味！
✨時令刺身🔹愛知縣鱸魚
鱸魚魚脂豐富，師傅特意厚切大大片，令到口感更加突出，鱸魚肉質爽甜，層次感十足！
🔹九州櫻島特產間八呢款九州櫻島特產間八魚，口感相當濃郁，肉質雪白粉嫩，味道非常鮮甜！
🔹富山灣白蝦富士灣白蝦由師傅人手逐隻剝殼，係一道細心又精緻嘅菜式！白蝦口感充滿黏性，鮮味夠哂突出，而且蝦肉亦相當爽彈，簡單加入山葵及日式醬油更能提鮮！
🔹岩手縣赤貝赤背肉質夠晒肥美，大大片煙韌又爽脆，加入少少檸檬汁搭配，層次更昇華！
🔹紫海膽原個紫海膽，賣相非常吸睛！質感細滑，清甜得來又帶點礦物味，令人一試愛上！
✨小食🔹炸白蝦
間場時間師傅送上炸白蝦，外層超酥脆，又帶點鹹香，作為小食冇得彈！
✨季節料理二品🔹水八爪魚
第一次品嚐水八爪魚，質感超滑順，咬落夠爽脆，特別係吸盤嘅部份，口感突出，師傅更特意調製生磨Wasabi 及醬油漬Wasabi，入口辛香夠晒刺激，令到水八爪魚嘅味道更加鮮甜！
🔹鯛魚白子鯛魚白子第一次試，用呢個汁煮方法處理，完美帶出白子嘅鮮味！鯛魚白子脹卜卜，口感彈牙，配搭微微甜嘅醬油煮制，提升味道層次！
🔹釜山白蝦球呢一道菜係白蝦嘅第三食，師傅用上大量白蝦作為內餡，膠質豐富，炸至金黃香脆，鮮味十足，搭配埋京都青椒仔進食，別有一番風味！
✨壽司十貫
🔹伊佐木時令既伊佐木魚脂豐富，入口清甜柔軟！
🔹金目鯛金目鯛肉質爽脆，魚皮夾雜魚脂，口感非常綿密！
🔹新鮮鯖魚新鮮嘅鯖魚，魚香味零舍濃郁，肉質夠晒嫩滑！
🔹神奈川池魚池魚口感特別滑順，食落緊致鮮甜！
🔹福岡縣槍魷魚來自福岡嘅槍魷魚，新鮮甜嫩，食落爽彈有嚼勁！
🔹長崎中拖羅中拖羅色澤紅潤粉嫩，魚脂豐富，入口鮮嫩滑順！
🔹大拖羅配鹽大拖羅嘅魚脂紋理超突出，白裏透紅，魚脂感爆燈，入口即化！
🔹中拖羅赤身呢款中拖羅赤身嘅部位零舍出色，師傅採用吞拿魚赤身及中拖羅連接嘅部份，一件刺身帶出兩款口感及滋味，味道甘香得來又帶點魚脂香氣，大推！
🔹北海道根室市馬糞海膽手卷最後就以鮮味十足嘅馬糞海膽手卷作結！馬糞海膽口感濃稠Creamy，味道相當濃郁，一啖咬落去，大滿足！
✨京都冬瓜魚湯材料豐富，加入魚肉、魚骨及京都冬瓜熬製嘅麵豉湯，入口份外清甜，夠哂暖胃！
✨甜品 (富良野赤蜜瓜 及 沖繩熱情果芝士餅）富良野赤蜜瓜，爆汁又香甜！芝士餅奶香味濃郁，上層更加入沖繩熱情果醬，酸酸甜甜，開胃又滋味！
張貼
