爆爆鍋 (已結業)

住銅鑼灣嘅朋友可能會留意到，最近牛大人集團喺呢度開咗間台式一人石頭火鍋店 ------ 爆爆鍋，作為深度打邊爐中毒者，我當然第一時間去食，味道真係好出色。呢度嘅形式係先揀套餐再揀湯底，今次叫咗兩個走地雞肉餐，試咗兩個湯底。爆炒燒酒烏雞鍋：走地雞肉件本身已經夠嫩滑。加埋燒酒香氣，成個鍋底超香濃。食埋佢附贈嘅烏雞，嫩口得黎又夠入味。 台灣麻辣鴨血火鍋：麻辣湯底好地道，辛香四溢，鴨血嫩滑。鳳梨涼伴章魚：清新爽口，鳳梨酸甜配章魚嘅彈牙，超開胃。寒天翡翠檸檬&冬瓜檸檬愛玉：兩杯味道都比得上外面嘅飲品店，清涼解暑，超好飲。另外我哋仲加咗沙白，中卷，鵝腸同埋啲雞子，每樣都好新鮮好食，價錢同份量都非常適合一個人點。可以實現一人打邊爐都可以多配菜🥺👍🏻餐廳仲有免費配料櫃，主要係一啲蔬菜類，款式都唔少，就算淨係叫左個套餐都唔會怕唔夠飽。爆爆鍋以多種特色湯底同高性價比，成為銅鑼灣火鍋愛好者必試之選。一人一鍋形式啱晒獨食嘅朋友。平日收工如果經過記得去試下啦！