泰斗 (TKO Gateway西翼) (已結業)

聽就聽得多，但入去食就真係第一次。入到去環境幾好，有梳化坐，仲有啲咕𠱸添，一啲都唔迫，坐落去都幾舒服。我就嗌咗一個泰式肉碎飯+泰式凍奶茶嗰飯一上到嚟都幾香，仲有隻蛋係上面添！味道唔錯，有輕微辣辣地，啲肉碎炒得好香，配埋啲香料味，好夾呀！唔好睇佢配白飯平平無奇，餐牌上醒佢係都幾高人氣，啲肉碎好好餸飯，一啖肉碎一蛋白飯，正呀！凍奶茶，唔似其他茶餐廳嘅奶茶，係比較傳統嘅泰式凍奶茶，茶味冇港式奶茶咁濃，應該係用錫蘭紅茶，比較甜。都幾好飲㗎！