影片
更多
2021-08-25
54 瀏覽
今日行返屋企經過呢一間餐廳，見到佢個門面幾靚之餘個名仲要咁特別，即刻令我諗起醫神舊年嘅一曲作品，就入嚟試下，入到去有個三面牆身 video wall，播放緊一啲海洋同埋魚類嘅影片，即刻令我身心放鬆。嗌咗嘢食之後，餐包同埋餐湯隨即送上，今日嘅餐湯係南瓜湯，非常健康，值得一讚嘅係餐包嘅溫度，嗰個溫熱嘅程度係食到最後一啖都仲係暖嘅。鹹蛋黃雞翼，廚師細心將雞翼整成單骨，食起上嚟非常方便，雞翼被輕輕炸過，口感脆身，配合住鹹蛋黃嘅味道，餸酒一流。墨魚汁帶子意粉，意粉上面有成半隻碟咁大嘅大蝦，非常奪目，意粉彈牙，裏頭除咗帶子之外，仲有為數不少嘅墨魚仔喺入面，個味道啱啱好。薄荷汁香煎焗盲曹，呢個焗盲曹嘅組合都幾特別，除咗盲曹之外仲有一碗薯蓉同埋一嚿燒菠蘿，盲鰽魚皮脆身，魚肉嫩滑，廚師將火侯控制得恰到好處；而個薯蓉係黑松露薯蓉，黑松露同薯蓉從來都係絕配；燒菠蘿非常甜美，我哋特登將佢留到最後，當成一個飯後甜品。餐廳職員推介咗我哋試呢一隻清酒，易入口得嚟帶有少少辛辣嘅味道，同今晚嘅食物相當配襯，另外餐廳黎緊會有free flow 任飲紅白酒sake生啤既 promotion，唔知會唔會呢隻咁易入口嘅 sak
嗌咗嘢食之後，餐包同埋餐湯隨即送上，今日嘅餐湯係南瓜湯，非常健康，值得一讚嘅係餐包嘅溫度，嗰個溫熱嘅程度係食到最後一啖都仲係暖嘅。
鹹蛋黃雞翼，廚師細心將雞翼整成單骨，食起上嚟非常方便，雞翼被輕輕炸過，口感脆身，配合住鹹蛋黃嘅味道，餸酒一流。
墨魚汁帶子意粉，意粉上面有成半隻碟咁大嘅大蝦，非常奪目，意粉彈牙，裏頭除咗帶子之外，仲有為數不少嘅墨魚仔喺入面，個味道啱啱好。
薄荷汁香煎焗盲曹，呢個焗盲曹嘅組合都幾特別，除咗盲曹之外仲有一碗薯蓉同埋一嚿燒菠蘿，盲鰽魚皮脆身，魚肉嫩滑，廚師將火侯控制得恰到好處；而個薯蓉係黑松露薯蓉，黑松露同薯蓉從來都係絕配；燒菠蘿非常甜美，我哋特登將佢留到最後，當成一個飯後甜品。
餐廳職員推介咗我哋試呢一隻清酒，易入口得嚟帶有少少辛辣嘅味道，同今晚嘅食物相當配襯，另外餐廳黎緊會有free flow 任飲紅白酒sake生啤既 promotion，唔知會唔會呢隻咁易入口嘅 sake 呢？
張貼
