影片
更多
2024-01-20
18 瀏覽
老細食鱔日記🪱8 食鱔老細🪱學識怨博，才高半斗，上知不文，下載網圖。呢日大家講開昭和年代嘅一啲事物，佢出手啦，'果時桃園起義，民不聊生'，簡單兩句，所有同事都靜曬，五體投地，時間人物地點全部講中。 我建議佢可以黎呢一間餐廳交流下。昭和時期維持左60年，中後期喺經濟同係人民心理上，都希望走出之前嘅唔開心時期，所以社會上各樣野都充斥住溫暖，熱血，同埋鼓勵人心既正向能量。西化之風又速成左和洋混合既特色。無論係服裝，電影什至食物，都有佢獨特風格。呢間餐廳，一入門口，就令我感覺到呢種正能量，除咗係昭和前中期既一d好靚嘅海報,仲有我地親身感受過昭和後期嘅野，比如街頭霸王同麵包超人。 🍖 食物方面，我地點左令和六年既壽喜燒套餐。野食嘅次序安排得相當好，食壽喜燒之前先上左串燒拼盤，豬肉，雞翼，秋葵，冬菇，大蝦非常豐富，然後最正係菠蘿，佢嘅切法喺打直切開，仲要切埋個皮，成條食，超juicy。 🍖小食我地自選左黑松露酱薯條同埋明太子玉子卷。兩樣嘅醬汁成為左食物嘅靈魂，一脆一軟嘅小食味道盡情發揮。 🍖壽喜燒真係無得頂，店員會幫我哋先去鍋底用糖煮成焦糖，再去燒牛肉，放上碟之後，使用鍋底嘅牛肉鮮味，加入壽喜燒汁
食鱔老細🪱學識怨博，才高半斗，上知不文，下載網圖。呢日大家講開昭和年代嘅一啲事物，佢出手啦，'果時桃園起義，民不聊生'，簡單兩句，所有同事都靜曬，五體投地，時間人物地點全部講中。
我建議佢可以黎呢一間餐廳交流下。昭和時期維持左60年，中後期喺經濟同係人民心理上，都希望走出之前嘅唔開心時期，所以社會上各樣野都充斥住溫暖，熱血，同埋鼓勵人心既正向能量。西化之風又速成左和洋混合既特色。無論係服裝，電影什至食物，都有佢獨特風格。呢間餐廳，一入門口，就令我感覺到呢種正能量，除咗係昭和前中期既一d好靚嘅海報,仲有我地親身感受過昭和後期嘅野，比如街頭霸王同麵包超人。
🍖 食物方面，我地點左令和六年既壽喜燒套餐。野食嘅次序安排得相當好，食壽喜燒之前先上左串燒拼盤，豬肉，雞翼，秋葵，冬菇，大蝦非常豐富，然後最正係菠蘿，佢嘅切法喺打直切開，仲要切埋個皮，成條食，超juicy。
🍖小食我地自選左黑松露酱薯條同埋明太子玉子卷。兩樣嘅醬汁成為左食物嘅靈魂，一脆一軟嘅小食味道盡情發揮。
🍖壽喜燒真係無得頂，店員會幫我哋先去鍋底用糖煮成焦糖，再去燒牛肉，放上碟之後，使用鍋底嘅牛肉鮮味，加入壽喜燒汁同埋蔬菜。喺食緊牛肉嘅時候，俾蔬菜盡情咁吸收醬汁，所以最後食嘅時候非常入味。牛肉因為店員幫我地處理，快煮快食，然後點上日本雞蛋作為醬汁，非常鮮嫩。但係咁樣都不特止，食完蔬菜再加入飯去個汁度，變成濃厚嘅Risotto。一個鍋多重口味，而且正式可以做到個洋風味，共冶一爐。
🍖最後係士多啤梨巴菲，昭和年代冒起既不二家牛奶妹個公仔已經贏晒。士多啤梨，白桃，雪芭，份量相當，所以無論裝飾同進食，都填滿左個杯同埋我個胃。
🍺波子汽水雪糕梳打，昭和風，啤酒買一送一，飲到瘋。盡興!
張貼
