影片
更多
2023-05-24
1782 瀏覽
自開業到訪一次之後，很久沒有再來和緣，之前因為一個MV，呢度即刻變得非常難訂，一位難求，想再食番佢個精彩menu都唔係咁易。提早個幾月前準備訂位，終於再訪，全因佢有過不錯的新menu，無錯，其中有個主角又係軟殼龍蝦。最欣賞先唔好講食物，係呢度嘅service，你選完menu之後會有個tailer made印左名嘅menu俾你帶走，之後甜品部分又會有啲小驚喜俾你，相信情侶拍拖同結婚周年，呢間應該係一個勁好嘅選擇。佢有兩個menu揀，一個係full menu，大約有十個菜式，通常女性食完都話好飽，所以先有另一個少兩個course 的menu。不過如果我係你，一定會食full menu，因為抵食啲。前菜嘅釜山灣產螢光魷魚已經叫我覺得與別不同，因為佢個蛋黃醬好特別。刺身拼盤有春鯛，北海道象拔蚌，深海池魚，先講池魚，背同腩兩個部位都好肥美，象拔蚌個種彈牙體驗到鮮味同彈性，春鯛最適合呢個天氣，時令一定不會錯。青森大間呑拿魚，北海道紫海膽，紅菜頭泡沫，牡丹蝦呢個signature 你係呢間餐廳IG 小紅書基本上你一定會見過，食落口個種口感多層次，最緊要係一口食哂幾個重要食材，打卡一流。重點成隻食得嘅
自開業到訪一次之後，很久沒有再來和緣，之前因為一個MV，呢度即刻變得非常難訂，一位難求，想再食番佢個精彩menu都唔係咁易。
提早個幾月前準備訂位，終於再訪，全因佢有過不錯的新menu，無錯，其中有個主角又係軟殼龍蝦。
最欣賞先唔好講食物，係呢度嘅service，你選完menu之後會有個tailer made印左名嘅menu俾你帶走，之後甜品部分又會有啲小驚喜俾你，相信情侶拍拖同結婚周年，呢間應該係一個勁好嘅選擇。
佢有兩個menu揀，一個係full menu，大約有十個菜式，通常女性食完都話好飽，所以先有另一個少兩個course 的menu。不過如果我係你，一定會食full menu，因為抵食啲。
前菜嘅釜山灣產螢光魷魚已經叫我覺得與別不同，因為佢個蛋黃醬好特別。
刺身拼盤有春鯛，北海道象拔蚌，深海池魚，先講池魚，背同腩兩個部位都好肥美，象拔蚌個種彈牙體驗到鮮味同彈性，春鯛最適合呢個天氣，時令一定不會錯。
青森大間呑拿魚，北海道紫海膽，紅菜頭泡沫，牡丹蝦呢個signature 你係呢間餐廳IG 小紅書基本上你一定會見過，食落口個種口感多層次，最緊要係一口食哂幾個重要食材，打卡一流。
重點成隻食得嘅軟殼龍蝦，先吃原味，一整隻連殼的感受當然勁爽，加點麵豉係龍蝦身上，蝦頭又有另一種食法，加點碟上的橘子汁，一隻龍蝦，有三個食法，如果之前沙田18你覺得太遠而又想食軟殼龍蝦，呢到係一個好地方選擇。
A4和牛背肌肉加上炙燒過的半熟京都豆腐，食落去又唔係咁肥，勁大塊嘅A4點會唔鐘意，那口油脂香，非常精緻。
尾聲加了中拖羅烏魚子risotto，加點黑椒感覺更野性，食完唔會覺得好飽，呢個好驚喜嘅一點。
尾聲的甜品，好有心思，老公男朋友book下用來慶祝周年生日等等，應該係會令人滿意嘅經驗，特別係Edan粉絲吧。
張貼
