影片
更多
2021-08-25
108 瀏覽
收工又想舒舒服服坐低食個高質素嘅燒味，朋友介紹咗我嚟呢間。燒鵝五寶飯 ($88)呢個飯真係滿足晒多個願望，其實本身想食乳豬，但係夜晚嚟到已經賣晒，想食乳豬記住早啲嚟。五寶飯有齊燒鵝，叉燒，燒腩仔，紅腸同鹹蛋，燒鵝皮脆肉嫩，而燒腩仔就相當之酥化，絕對係上上上級。仲要份量都唔少，每樣燒味都差唔多有五件，食到津津有味。黯然銷魂鴛鴦飯 ($68)呢到就要詳細讚下佢嘅叉燒，佢嘅叉燒係用黑毛豬去燒，所以肉質係相當之香同埋好嫩滑juicy，加上佢燒得好均勻，又係厚砌，每一啖分別食到佢既焦香再食到半肥瘦既口感，正！至於個雞都唔執輸，係去骨嘅，仲要配埋個鳳凰辣汁，非常之夾同好食。仲有兩隻箭太陽蛋撈埋啲飯度，真係太滿足啦。老火靚湯 ($12)星期一至日每日都會唔同嘅，今日係蓮藕綠豆豬𦟌湯，住家湯嘅味道，仲好足料。鵝汁菜心 ($20)食咁多肉點少得嗌返個菜中和下，菜心配鵝汁又幾香。凍鴛鴦 凍檸水 (跟餐 +$7)正常發揮，唔錯。
燒鵝五寶飯 ($88)呢個飯真係滿足晒多個願望，其實本身想食乳豬，但係夜晚嚟到已經賣晒，想食乳豬記住早啲嚟。五寶飯有齊燒鵝，叉燒，燒腩仔，紅腸同鹹蛋，燒鵝皮脆肉嫩，而燒腩仔就相當之酥化，絕對係上上上級。仲要份量都唔少，每樣燒味都差唔多有五件，食到津津有味。
黯然銷魂鴛鴦飯 ($68)
呢到就要詳細讚下佢嘅叉燒，佢嘅叉燒係用黑毛豬去燒，所以肉質係相當之香同埋好嫩滑juicy，加上佢燒得好均勻，又係厚砌，每一啖分別食到佢既焦香再食到半肥瘦既口感，正！至於個雞都唔執輸，係去骨嘅，仲要配埋個鳳凰辣汁，非常之夾同好食。仲有兩隻箭太陽蛋撈埋啲飯度，真係太滿足啦。
老火靚湯 ($12)
星期一至日每日都會唔同嘅，今日係蓮藕綠豆豬𦟌湯，住家湯嘅味道，仲好足料。
鵝汁菜心 ($20)
食咁多肉點少得嗌返個菜中和下，菜心配鵝汁又幾香。
凍鴛鴦 凍檸水 (跟餐 +$7)
正常發揮，唔錯。
張貼
