Starò

營業中

休息中

呢間餐廳有靚靚星空主題，環境夢幻，打卡一流。餐廳食物有靚靚擺盤，味道亦都唔錯，仲仲有星座主題蛋糕，啱晒慶祝生日。紅酒汁燴牛面頰伴法式手工薯蓉牛面頰煮得非常之鬆軟，肉質係柔軟，一啲都唔會乾柴，而且非常入味，沾上碟邊嘅果香醬汁，味道好夾。仲配有一件牛舌，超級厚切，口感我好鍾意，而且牛味香濃。配菜除咗有薯蓉之外，仲有用薯仔切成薄片組成嘅小方磚，全部都好味。意式煙燻豬肉手工寬麵手工闊面口感好好，煙韌得嚟厚度啱啱好，有咬口，每條都掛滿Creamy醬汁，配上煙燻香味嘅豬肉細粒，簡單得來好好味。星座蛋糕呢個蛋糕真係打卡一流，一上枱有乾冰嘅仙氣夢幻效果，然之後點上閃爍嘅火焰，夠晒視覺效果。蛋糕係朱古力mouse雜莓蛋糕，顏色有靚靚嘅雲石面之外，內涵都好好味，朱古力香濃配上雜莓果香，一啲都唔會太甜膩，壽星女都好滿意。Apollo造型好可愛，有個得意太空人。嘢飲係熱情果、芒果梳打水，香香甜甜，幾清爽。