Starò

營業中

休息中

想同另一半慶祝生日但又唔知去邊好，呢間浪漫西餐廳幫到你，以星空為主題，有IGable嘅半圓星空座位，大量小燈泡，生日打卡食物同佈置，環境優雅，氣氛十足，仲唔快啲Book位？星座蛋糕要提早預訂，附送蠟燭、生日牌、賀卡及禮卷，賣相一流，淨係打卡都有排你玩。雜莓朱古力慕絲蛋糕口感層次分明，上層朱古力，下層雜莓，甜度唔高，就算唔係生日都可以試。餐廳供應多款甜品，個人認為相比之下比主食更有驚喜。椰子雪葩用真實椰子殼裝，入口綿密，好Creamy，甜度偏高，好肥好好味。自家製朱古力流心蛋糕配上雪糕，冰火交替，讚👍意式煙燻豬肉手工寬麵薄身且帶咬口，沾滿醬汁，份量細細，但食完都幾飽。即刨意大利黑松露牛肝菌燉意大利飯真材實料，上面有原片黑松露，飯粒軟硬程度適中，可以Share食。配菜方面大推法式手工薯蓉，口感細膩，令人一試難忘。意大利黑松露薯條份量十足，炸至脆身，點埋黑松露醬可增添味道。飲品分別Apollo同Piss Off，超級可愛，好飲又解渴。