影片
更多
2017-07-09
5157 瀏覽
餐廳偌大寬敞，坐得幾舒適。黑色天花但盞燈形狀似煙花，好似喺星空下食放題咁。自助區有沙律吧、甜品、飲品。熱飲櫃有維他盒裝飲品。而凍飲品有凍飲機外仲有兩大個雪櫃，最特別嘅係有日本果汁酒。【荔枝果汁酒 】好少放題會見到嘅飲品，另外仲有蜜桃味，酒味唔重好易入口，去超市買一罐都要十幾蚊架，仲要係日本製造，靚野黎。大大個甜品櫃，有西式cake仔，仲有好特色同好靚嘅日式和菓子。【刺身】三文魚、八爪魚、帶子刺身 - 我哋叫咗比較少份量，但上枱都會用盤冰去鎮住，保持低溫。帶子好水潤夠鮮甜，八爪魚就味道十足。【瑤柱蒸蛋】通常日式蒸蛋入面嘅料都不外乎係雞肉、蟹柳、冬菇，呢度就特別啲有瑤柱同冬菇。蒸蛋水汪汪嘅狀態所以食落非常香滑， 加上夠晒熱所以更加好味。【創作料理 】【吞拿魚他他 】吞拿魚有香蔥同蔬菜伴住，底下仲有啲脆脆碎，清新又口感特別。【章紅魚薄切拌柚子酢】柚子酢酸酸甜甜令章紅魚加倍鮮味。【味噌焗蠔】第一次咁嘅食法~焗出嚟都幾香而且味噌嘅鹹味同蠔嘅鮮甜味又幾匹配，記住一次過扒晒啲味噌入口，咁先食得暢快。【鹽燒海蝦 】海蝦新鮮，若果鹽味再入味啲就PERFECT。【鐵板牛柳粒】炸蒜片特別香口，一次過俾好多粒
自助區有沙律吧、甜品、飲品。
熱飲櫃有維他盒裝飲品。而凍飲品有凍飲機外仲有兩大個雪櫃，最特別嘅係有日本果汁酒。
【荔枝果汁酒 】好少放題會見到嘅飲品，另外仲有蜜桃味，酒味唔重好易入口，去超市買一罐都要十幾蚊架，仲要係日本製造，靚野黎。
大大個甜品櫃，有西式cake仔，仲有好特色同好靚嘅日式和菓子。
【刺身】三文魚、八爪魚、帶子刺身 - 我哋叫咗比較少份量，但上枱都會用盤冰去鎮住，保持低溫。帶子好水潤夠鮮甜，八爪魚就味道十足。
【瑤柱蒸蛋】通常日式蒸蛋入面嘅料都不外乎係雞肉、蟹柳、冬菇，呢度就特別啲有瑤柱同冬菇。蒸蛋水汪汪嘅狀態所以食落非常香滑， 加上夠晒熱所以更加好味。
【創作料理 】
【吞拿魚他他 】吞拿魚有香蔥同蔬菜伴住，底下仲有啲脆脆碎，清新又口感特別。
【章紅魚薄切拌柚子酢】柚子酢酸酸甜甜令章紅魚加倍鮮味。
【味噌焗蠔】第一次咁嘅食法~焗出嚟都幾香而且味噌嘅鹹味同蠔嘅鮮甜味又幾匹配，記住一次過扒晒啲味噌入口，咁先食得暢快。
【鹽燒海蝦 】海蝦新鮮，若果鹽味再入味啲就PERFECT。
【鐵板牛柳粒】炸蒜片特別香口，一次過俾好多粒而且size唔細，好滿足~
【鐵板牛油帶子】雖然冇用鐵板上但依然夠晒熱而且味道十足，加埋洋蔥香草夠晒香口~
【虎蝦天婦羅】熱辣辣而且蝦肉都算爽口，雖然叫虎蝦但冇想像中咁大隻，不過唔緊要，Encore囉~任食架嘛。
【燒雞翼】雞翼皮燒得香脆可口，而且入面又唔會燒到乾身，Encore之選。
【櫻花蝦湯】好油膩，面頭有一層好厚嘅油，而且蝦味不夠。
【塩燒牛舌】牛舌好大塊而且夠厚，但又煙韌軟腍，所以口感非常好。燒得好香，鹹味調得啱啱好。又係Encore之選~
【雪糕或雪條】雖然唔係任食，但我就重質不重量，寧願揀啲高質嘅好過任食普通牌子嘅。呢度每人可揀其中一款口味嘅Mövenpick雪糕杯或Dreyer's雪條，兩種都咁正，好難選擇。
每樣叫一款囉
【甜品】點飽都要食嘅甜品，呢度甜品種類多而且細細件，顏色又好靚，所以可以試到更多。
最後不得不提，呢度嘅服務幾好，收碟速度極快，百忙中都保持禮貌。特別係推住收碗碟嘅車清潔阿姐，遇到有人阻住都好有禮貌咁講「唔好意思」，收碟時又好有禮貌咁話「幫你地收一收碟丫」，好親切。
張貼
