影片
更多
2023-01-26
1863 瀏覽
放工買咗飛喺iSquare睇戲，順便喺商場食晚飯。呢度有唔少餐廳，我哋揀咗未食過嘅「星怡」，位置喺三樓中庭旁邊，非常方便👍。餐廳環境唔錯，門面以至傢俬都採用湖水綠色，感覺舒服清新。同時，窗邊位置更可俯瞰彌敦道街景🌃。新加坡濃湯福建炒麵($118)，🥢炒麵稱得上色香味俱全，佢無用老抽或黑醬油炒，所以賣相呈金黃色。麵條方面，一道菜包含兩味，即油麵同米線，兩款麵質都幾彈牙，而且仲好掛汁。炒麵望落好似偏濕，但其實啱啱好，每條麵都好惹味，聞落仲充滿蝦香🦐。佢另外仲提供咗柑桔同特色醬，客人可按個人口味選加。炒麵夾雜唔少配菜，例如有魷魚、鮮蝦、蛋絲同埋肉片等。雞脾辣死你媽椰漿飯($78)，椰漿飯係馬拉特色菜，又名辣死你媽。🥥椰漿飯看似平平無奇，但其實真係滲出淡淡椰香，並配有其他經典食材，如煎蛋、花生、炸魚仔、青瓜同辣椒醬等。餸料我要咗炸雞脾🍗，完全無諗過係咁巨型㗎囉，炸皮層有啲似吉列皮，記得要襯熱時，如果凍咗就會硬；而雞肉肉質就好嫩滑。蒜片炒青龍菜($88)，第一次聽青龍菜，所以就嗌嚟試吓，點知味道咁獨特，唔太啱我口味🙈。青龍菜嫩綠💚，炒得幾爽脆，蒜味適中，但菜本身嘅草青味太濃；後尾上網睇先發現原來
放工買咗飛喺iSquare睇戲，順便喺商場食晚飯。呢度有唔少餐廳，我哋揀咗未食過嘅「星怡」，位置喺三樓中庭旁邊，非常方便👍。
餐廳環境唔錯，門面以至傢俬都採用湖水綠色，感覺舒服清新。同時，窗邊位置更可俯瞰彌敦道街景🌃。
新加坡濃湯福建炒麵
$118
37 瀏覽
0 讚好
0 留言
新加坡濃湯福建炒麵($118)，🥢炒麵稱得上色香味俱全，佢無用老抽或黑醬油炒，所以賣相呈金黃色。麵條方面，一道菜包含兩味，即油麵同米線，兩款麵質都幾彈牙，而且仲好掛汁。炒麵望落好似偏濕，但其實啱啱好，每條麵都好惹味，聞落仲充滿蝦香🦐。佢另外仲提供咗柑桔同特色醬，客人可按個人口味選加。炒麵夾雜唔少配菜，例如有魷魚、鮮蝦、蛋絲同埋肉片等。
雞脾辣死你媽椰漿飯($78)，椰漿飯係馬拉特色菜，又名辣死你媽。🥥椰漿飯看似平平無奇，但其實真係滲出淡淡椰香，並配有其他經典食材，如煎蛋、花生、炸魚仔、青瓜同辣椒醬等。餸料我要咗炸雞脾🍗，完全無諗過係咁巨型㗎囉，炸皮層有啲似吉列皮，記得要襯熱時，如果凍咗就會硬；而雞肉肉質就好嫩滑。
蒜片炒青龍菜($88)，第一次聽青龍菜，所以就嗌嚟試吓，點知味道咁獨特，唔太啱我口味🙈。青龍菜嫩綠💚，炒得幾爽脆，蒜味適中，但菜本身嘅草青味太濃；後尾上網睇先發現原來味道係類近韭菜，我從來都唔食…，哈哈。
紫色迷戀夏日炎炎雪花冰
$78
19 瀏覽
0 讚好
0 留言
紫色迷戀夏日炎炎雪花冰($78)，雖然係冬天，但都冇阻我食甜品嘅雅興。🍧雪花冰好掂，佢係喺打冰嘅過程已混入牛奶、紫薯同芋頭，並唔係後落糖漿，所以出到嚟係紫色一遍💜，香芋味道濃郁，又唔會過甜。配料包括有椰果、三色蒟蒻、棉花糖同蜂蜜爆珠，我認為棉花糖乾身就唔太夾，不過爆珠甜蜜爆汁就無得頂🤤。呢個雪花冰嘅味道比起唔少甜品舖還要出色！
總括嚟講，呢間餐廳匯合各種星加坡同東南亞美食🇸🇬，菜式選擇繁多，有唔少係小菜同海鮮類，不過價錢稍高，而且比較適合一大班人食。佢另外亦設有二人/四人套餐，有興趣不妨考慮吓。
張貼
