百花漁莊 (已結業)

星期日放假當然要訓到自然醒，再搵個地方嘆下茶，食個包。QRE 呢度大把餐廳，今次上28樓飲茶，環境都唔錯，又冇酒樓咁多人。點心款式雖然冇酒樓咁多，但蝦餃燒賣呢啲大路野都有得食。流沙奶皇包 $45奶皇包熱騰騰，裡面流出金黃的奶皇，是綿滑的滋味。水晶蝦餃皇 $48燒賣雙併 $48蝦餃燒賣都係一籠四件，蝦餃都幾大粒，皮薄，啖啖蝦肉；至於燒賣就有得揀雙併，牛肉燒賣牛肉味夠突出，好似食緊牛肉球一樣。鮮蝦炸春卷 $42酥脆好食，配喼汁更開胃。蔥花蝦米腸粉 $48腸粉口感軟滑。家鄉炒粿條 $108點心紙見到佢都算係彩蛋，色澤油潤亮澤，滑嫩焦香，口感爽滑。紅糖果仁冰粉埋單時每人送上紅糖果仁冰粉，爽滑的冰粉中夾帶着絲絲紅糖的香甜，粒粒既松子仁口感豐富。