一起果醬 (已搬遷) 新店位置

星期六去西貢玩水上活動，所以順道食埋早餐，見到門面有連儂牆，即刻衝入去食！呢間餐廳好貼心，正值武漢肺炎，唔單止有洗手液，佢仲會俾個紙袋你放口罩，每台亦有1.5米嘅距離，令人食得放心又開心。食物方面好特別，餐廳主打自家製果醬，無論食物同飲品都有自家製jam，仲可以揀唔同嘅jam口味。我哋嗌左all day breakfast, scone and jam同pork salad，每樣食物都添加自家製果醬，真係好有heart。Scone充滿牛油香，上枱仲係熱辣辣㗎，配上熱情果醬，好好食。All day breakfast炒蛋香滑，而且仲配上厚吐司，加上士多啤梨果醬同牛油真係一流！沙律亦都好有驚喜，豬肉絲再配上熱情果味嘅沙律汁，開胃之餘亦都好有驚喜，甜甜酸酸，下次一定要再叫。