華嫂冰室 (皇廷廣場)

營業中

休息中

今日放半日假出觀塘交貨，個客偷左食飯時間試件貨，咁我唯有將自己個午餐延遲食喇。。。過左午飯時間，估唔到都咁多人，好在我一支公易搵位，拎完籌好快就到我，呢度係要叫左野食先入座的，所以最好一早諗定。米線一到，Wow，好大碗！好香芫荽味！正好啱尋晚開夜車趕貨的我，飲左好多啖，正！牛肉好多，有肉味，chewy，正！成碗最唔好嘅係，米線少左啲，可能晏左食飯，我好肚餓，呢個份量真係唔夠。。。總括來說，加$8轉芫荽湯係超抵嘅。但希望佢可以改一改個水吧，因為杯鴦真係唔得，澀的又唔滑。