影片
更多
2020-12-30
561 瀏覽
限聚之下，酒樓就限埋時，飲個下午茶，早去無位，遲少少去都未必有位，太遲先去，又驚唔知幾時截單，事關間間酒樓都唔同玩法。 今日去到，樓面疏疏落落，唔夠人手，加上有d“鬼掩眼”咁，好幾個兼職既都你有你做，我有我“dum”波鐘，大家實行各顧各，正所謂上樑不正下樑歪。 難得有人過黎執枱開茶，都費事曬時間，即刻叫野：掦州炒飯+南乳吊燒雞（半隻）。樓面阿姐仲親手劃左半隻雞張落單紙。 誰不知，等好耐，連後加既“子姜皮蛋春卷”都黎左，個半隻吊燒雞都未出現。 等到無癮，亦驚d雞傳到黎都凍曬，唔慌好食。 酒樓賣呢隻吊燒雞，賣到出“雞劵”＄68/1隻，其實幾抵食，姑勿論佢係訂得雞多定係想係南乳吊燒方面殺出名堂。 但外賣始終唔係新鮮熱辣即食，口感、味道會有分別，加上買親都要一隻，咁兩個人，不如趁熱堂食算。唔想等到吊燒雞變冷盤，就索性埋左張單算數。誰不知，原來成件事係走曬雞，單吊此雞到流局。因為吊燒雞根本就無落單。而個收銀阿姐就拉得罰得五千，佢戴口罩戴到free到，露曬個鼻出黎，而且，本身又唔係快手同醒目，就唔好邊收銀邊同人吹水啦。 所以，凡事無絕對，凡事皆有可能，明明樓面係我眼前劃單，但結果
今日去到，樓面疏疏落落，唔夠人手，加上有d“鬼掩眼”咁，好幾個兼職既都你有你做，我有我“dum”波鐘，大家實行各顧各，正所謂上樑不正下樑歪。
難得有人過黎執枱開茶，都費事曬時間，即刻叫野：掦州炒飯+南乳吊燒雞（半隻）。樓面阿姐仲親手劃左半隻雞張落單紙。
誰不知，等好耐，連後加既“子姜皮蛋春卷”都黎左，個半隻吊燒雞都未出現。
等到無癮，亦驚d雞傳到黎都凍曬，唔慌好食。
酒樓賣呢隻吊燒雞，賣到出“雞劵”＄68/1隻，其實幾抵食，姑勿論佢係訂得雞多定係想係南乳吊燒方面殺出名堂。
但外賣始終唔係新鮮熱辣即食，口感、味道會有分別，加上買親都要一隻，咁兩個人，不如趁熱堂食算。
唔想等到吊燒雞變冷盤，就索性埋左張單算數。誰不知，原來成件事係走曬雞，單吊此雞到流局。因為吊燒雞根本就無落單。而個收銀阿姐就拉得罰得五千，佢戴口罩戴到free到，露曬個鼻出黎，而且，本身又唔係快手同醒目，就唔好邊收銀邊同人吹水啦。
所以，凡事無絕對，凡事皆有可能，明明樓面係我眼前劃單，但結果單都無入，係樓面定收銀入漏？
至於個掦州炒飯，傳到黎上到枱已經溫和，唔熱唔凍，不知所謂，煎炒炸等，最忌唔夠熱，食落唔油都覺得油。一食落口，起碼放左十分鐘，然後先傳出黎。而一般黎講，掦州炒飯用生菜，佢呢度就好怪，用菜芯莖（或可能係芥蘭莖），d叉燒片（唔似粒）就又薄又碎，蝦仁不過不失，事實上，d“碼”執得好足，但就偏偏唔知炒左d乜出黎咁，食落口，就好自然唔知食緊d乜，加上佢d米真係唔多掂，就點食都唔覺好食。
無人傳菜賣野，咁不如索性采用自助形式，open kitchen，所有野一目了然，就唔會好食既野都變得難吃。因為佢呢間野好得意，勤力既PT就放假，反而叫d懶到出汁，mimimomo既返工，就算有兩三個好勤力，都有心無力，雙拳難敵四手。
酒樓蒸籠、煎炸點心以至燒味飯，炒粉麺，以我認知，咁耐以黎，都係熱上，呢度唔係日本，唔係食日式便當呀喂！
燒味唔得，求求其其，得過且過每一日，而d飯就凍既，真係你食埋我個份啦阿經理！講真，如果連碗白飯d米仲衰過我自己屋企既米（當然，太靚太高級既就無得講，但都唔好差到連茶記快餐店都不如），而且又唔夠熱，咁我不如係屋企煲落飯，去真係ok既燒臘鋪外賣好過啦，仲洗鬼上酒樓，服務差到嘔，貼錢買難受？
張貼