今次主打試咗佢哋嘅「香蒜蜜糖炸雞」，一上枱就聞到濃郁蒜香同蜜糖甜味交融，脆皮金黃透亮，咬落去「咔嚓」一聲，外脆內嫩，雞肉保留滿滿肉汁，蜜糖甜度剛剛好，唔會過膩，蒜味點綴得恰到好處，惹味到食唔停口！配埋炸得香脆嘅薯格同幼薯條，雙重口感，拍得住某知名快餐店嗰款薯格！（以後想食薯格第一時間都會諗起呢度！）
小食方面，極力推薦「地瓜芝士條」！一拉開真係有超長芝士，非常過癮。
另外仲叫咗「韓式烤牛肉紫菜包飯」，飯卷餡料飽滿，烤牛肉醃得入味，加上麻油香同爽脆蔬菜，清新又解膩，完美平衡炸物嘅濃重感。
整體而言，Outdark無論食物質素、份量同環境都值得一讚，好適合同三五知己一邊飲啤酒一邊鋸炸雞，享受彷彿置身韓國弘大嘅熱鬧氣氛！一定會再encore～
1
