Little Fresh Cafe & Bar (已結業)

呢間西餐廳以家庭式裝修為主，營造出溫馨舒適既感覺，令客人覺得放鬆又舒服。Appetizer 前菜有沙律或洋蔥湯選擇，我揀咗洋蔥湯，配上兩小件法式麵包，洋蔥湯加有煙肉， 增添咗獨特既豐富感。火魔醉蜆，呢個菜最令人印象深刻。侍應會親自灑上白酒點火，令呢道菜加添咗視覺效果。蜆肉配埋洋蔥同椒絲，口感鮮嫩，酒香同辣味互相配合，真係食到唔停口。白酒，呢個係餐廳今日挑選既餐桌白酒， 味道清爽，配埋今晚既食材而平衡口感。Main 主菜法國紅酒牛面肉，牛面肉喺紅酒既烹調下 變得極為嫩軟，牛肉吸收咗紅酒既芳香同濃郁肉汁，令人有一種陶醉感覺。香燒豬頸肉紅咖喱燴意大利飯，豬頸肉經過燒烤處理，口感香脆，肉質柔軟嫩滑，意大利飯吸收咗紅咖喱既辛香、火辣既味道， 呢個菜結合咗亞洲同義大利風味，意外地夾。Drinks 飲品玫瑰奶茶latte，一上枱就見到熊仔拉花真係好可愛，仲有幾片玫瑰花瓣點綴，令我唔捨得飲呢杯latte，香滑奶茶同淡淡既花香， 濃度啱啱好， 口感綿滑。