燈籠滷味 (朗豪坊)

營業中

休息中

真係好鐘意燈籠滷味，成日都當佢係飯堂，好多間分店都去過，旺角朗豪坊呢間分店裝修得好有特色，燈籠高掛，霓虹燈閃爍，聽著台灣國語歌，尤其在夜幕下更有台灣夜市嘅感覺！最鐘意在招牌燈龍滷味推介中揀心水滷味拼搭，自由發揮想食乜揀乜，我都會先加入米線再慢慢諗，好似蹄膀、空心菜、貢丸、花枝丸、白蘿蔔、大豆皮、鳥蛋（鵪鶉蛋）都係我嘅最愛！滷水入味，食材高質，佢啲滷水好香，食完都唔會口渴，可以揀多酸菜多蔥，份量都亦相當滿足，仲可以加底，哈哈，真係好好味。蛋餅，我哋揀咗奶油芋泥、肉鬆、起司口味，最鐘意呢種甜中有鹹嘅味道，芋泥勁綿密，蛋香味突出。Shake Shake 海苔鹽酥雞，配有一包海苔Shake Shake 粉，可以自己Shake，Shake完之後鹽酥雞就沾滿海苔粉，外脆內嫩，非常香口。