影片
更多
2024-07-20
276 瀏覽
其實一入到嚟就覺得成個環境好舒服，坐吧枱有個好處就係可以望到bartender調酒，又係另一個享受。今次我就係坐喺室內，如果天氣凍啲，我應該會揀戶外。食完之後都覺得佢做月球主題係幾fit，真係可以fly me to the moon，相當chill。‣ J. moon $128作為signature drink真係當之無愧，鍾意偏甜口味嘅朋友一定唔可以錯過。內容都好神秘，一入口我就覺得好熟悉，我覺得係好香嘅梅酒味，然後加埋whiskey嘅味道，令酒嘅口感更加豐富飽滿，超級超級推薦大家入嚟都嗌一杯試吓。‣ Sagittarius $128其實我同男朋友都唔係呢個星座，但係我同佢都好鍾意飲Earl Grey，想試吓睇吓溝Vodka係點。果然杯嘢飲都係好射手座，含蓄得嚟但你會感受到嗰種熱情喺背後。呢一杯都係偏甜，畢竟都仲有溝君度橙酒，除咗茶帶嚟嘅清爽感，Passion Fruit都幫咗唔少，最得意係有塊朱古力比你食住飲，好過癮。‣ Chicken Skin Torikawa Dumplings $78佢嘅雞皮餃子係一啖一個，而且係啖啖肉，餡料都唔會濫芋充數，雞皮香脆又唔會過分油膩，蘸埋醬又係
‣ J. moon $128
作為signature drink真係當之無愧，鍾意偏甜口味嘅朋友一定唔可以錯過。內容都好神秘，一入口我就覺得好熟悉，我覺得係好香嘅梅酒味，然後加埋whiskey嘅味道，令酒嘅口感更加豐富飽滿，超級超級推薦大家入嚟都嗌一杯試吓。
‣ Sagittarius $128
其實我同男朋友都唔係呢個星座，但係我同佢都好鍾意飲Earl Grey，想試吓睇吓溝Vodka係點。果然杯嘢飲都係好射手座，含蓄得嚟但你會感受到嗰種熱情喺背後。呢一杯都係偏甜，畢竟都仲有溝君度橙酒，除咗茶帶嚟嘅清爽感，Passion Fruit都幫咗唔少，最得意係有塊朱古力比你食住飲，好過癮。
‣ Chicken Skin Torikawa Dumplings $78
佢嘅雞皮餃子係一啖一個，而且係啖啖肉，餡料都唔會濫芋充數，雞皮香脆又唔會過分油膩，蘸埋醬又係另一番風味，作為appetizer嚟講我相當滿意。
‣ Baked Sausage Platter $78
我自己食到有豬肉腸同辣肉腸，幾鍾意餐廳唔係單純煎完就算，仲有加蕃茄汁係隔離拎埋去焗。面頭嘅芝士絕對係錦上添花，令口感冇咁單調，食完唔會覺得太乾，幫我開咗胃食嚟緊嘅main。
‣ Sea Urchin Sauce Rigatoni with Prawn and Salmon Roe $158
意粉特別用咗粗管意粉，咁啱自己都係比較鍾意煙靭啲嘅口感，對我嚟講真係perfect match。而海膽汁嘅調味注重突顯海膽嘅甘甜，再加上三文魚子。成碟意粉我覺得清新得嚟，啲鹹香又可以發揮到極致。而大蝦係有特別煎香過，相當有心機。
‣ Beef Poké Bowl $158
見到酒吧都有Poké Bowl就忍唔住嗌咗，調味都係偏和風，面頭仲有藜麥、羽衣甘藍，其實幾得意。我個人覺得佢嘅牛肉做得好出色，煎得好香，就算佢冇飯素同埋蛋黃醬，我都覺得好正。食落嘅時候都幾開胃，食完就覺得好飽。
張貼
