影片
更多
2024-08-29
330 瀏覽
早排經過旺角廣華街，見到有間cafe 都好多人，樓底高，裝修型格夠cyber，今日book咗呢間餐廳約埋閨蜜試下。 水牛城雞翼：雞翼炸得金黃香脆，加上酸香微辣嘅醬汁，味道層次豐富。配菜青瓜同紅蘿蔔配合，清新得嚟又可以中和下水牛城雞翼嘅辣味。 慢煮口水雞：隨小食可以$50另加慢煮口水雞，雞皮焦香脆口，雞肉嫩滑多汁，肉質新鮮厚實。 雙重芝士炸薯條🍟：薯條炸得色澤金黃，咬落香脆可口，而且熱辣辣，薯味濃郁。再加埋啲拉絲芝士夠晒邪惡，另外有烘乾嘅巴馬火腿，鹹香味十足。另外，仲配咗茄汁同埋酸忌廉，可以品嚐到兩種唔同嘅口味。 手打牛肉及原隻大磨菇漢堡配薯條🍔🍟：漢堡表面烘香過，咬落去漢堡有微微脆口感。牛肉厚度十足， 口感扎實，充滿牛脂香，味道濃郁多肉汁， 配以甜甜嘅洋蔥、新鮮生菜同埋蕃茄，加上半溶芝士🧀，層次感相當豐富。配菜薯條🍟亦非常香脆。 蘋果金寶法式千層酥配香草雪糕：呢度差不多檯檯都會點甜品，啲甜品款款望落都好吸引，喺餐牌見到呢款係chef's recommendation就揀咗佢嚟試下。份量都算好大，千層酥非常酥脆，蘋果又香又軟，上面鋪上玉桂粉同金寶碎，千層酥入面仲夾着幼滑嘅吉士醬、拖肥醬、
早排經過旺角廣華街，見到有間cafe 都好多人，樓底高，裝修型格夠cyber，今日book咗呢間餐廳約埋閨蜜試下。
水牛城雞翼：雞翼炸得金黃香脆，加上酸香微辣嘅醬汁，味道層次豐富。配菜青瓜同紅蘿蔔配合，清新得嚟又可以中和下水牛城雞翼嘅辣味。
慢煮口水雞：隨小食可以$50另加慢煮口水雞，雞皮焦香脆口，雞肉嫩滑多汁，肉質新鮮厚實。
雙重芝士炸薯條🍟：薯條炸得色澤金黃，咬落香脆可口，而且熱辣辣，薯味濃郁。再加埋啲拉絲芝士夠晒邪惡，另外有烘乾嘅巴馬火腿，鹹香味十足。另外，仲配咗茄汁同埋酸忌廉，可以品嚐到兩種唔同嘅口味。
手打牛肉及原隻大磨菇漢堡配薯條🍔🍟：漢堡表面烘香過，咬落去漢堡有微微脆口感。牛肉厚度十足， 口感扎實，充滿牛脂香，味道濃郁多肉汁， 配以甜甜嘅洋蔥、新鮮生菜同埋蕃茄，加上半溶芝士🧀，層次感相當豐富。配菜薯條🍟亦非常香脆。
蘋果金寶法式千層酥配香草雪糕：呢度差不多檯檯都會點甜品，啲甜品款款望落都好吸引，喺餐牌見到呢款係chef's recommendation就揀咗佢嚟試下。份量都算好大，千層酥非常酥脆，蘋果又香又軟，上面鋪上玉桂粉同金寶碎，千層酥入面仲夾着幼滑嘅吉士醬、拖肥醬、黑糖漿，再加上伴碟嘅炒糖合桃同香草雪糕，擁有多種味道同埋口感，層次豐富。
張貼
