影片
更多
2024-06-27
2612 瀏覽
韓川 Han Chuan📍韓川旺角通菜街27號地舖難得約到三位愛吃朋友，當然要揀一間坐得舒服，食物質素有返咁上下，仲要夠多選擇嘅餐廳大快朵頤一下。朋友們推介去旺角一間韓國餐廳食晚飯，因為餐廳出名抵食之餘仲有好多選擇。除一般嘅石鍋料理、燒肉、炸雞、炸物外，佢哋仲罕見地提供各類燒海鮮同串燒，果然夠晒多元化。 💰$568韓川二人套餐 👩🏻❤️👨🏻真露焗蜆 🐚韓國料理最出名配燒酒食，而最為人所知嘅燒酒莫過於真露。真露算係酒精含量較少嘅燒酒，一般大概20度左右。餐廳以真露焗煮蜆，既能夠帶出其鮮味，又能當作調味，只要加入蒜蓉同粉絲，就會完成大家爭住食嘅一道美味焗蜆。粉絲索滿真露微微嘅酒氣同蒜蓉嘅芬香，配上肥美焗蜆，正呀！蜜糖芥末炸雞 🍗蜜糖芥末醬唧滿喺炸雞堆上面，內有單骨雞翼10件同雞鎚4件。炸雞脆漿唔會過厚，即使上檯時早已淋滿蜜糖芥末醬，放涼後食炸雞依然脆口，十分驚喜。芝士年糕 🧀芝士年糕炸得金黃香口，外皮微Q，內餡拉絲芝士同軟糯嘅年糕相輔相成，食正餐前食件炸鹹點，最適合不過。一口芝士 🧀三角狀嘅炸芝士一口一粒，每口都有濃醇嘅芝士香氣，酥炸口感容易上癮，必食推介！韓川燒肉拼盤 🧆呢個燒肉拼盤有
📍韓川旺角通菜街27號地舖
難得約到三位愛吃朋友，當然要揀一間坐得舒服，食物質素有返咁上下，仲要夠多選擇嘅餐廳大快朵頤一下。朋友們推介去旺角一間韓國餐廳食晚飯，因為餐廳出名抵食之餘仲有好多選擇。除一般嘅石鍋料理、燒肉、炸雞、炸物外，佢哋仲罕見地提供各類燒海鮮同串燒，果然夠晒多元化。
[價錢 Price]
💰$568
韓川二人套餐 👩🏻❤️👨🏻
真露焗蜆 🐚
韓國料理最出名配燒酒食，而最為人所知嘅燒酒莫過於真露。真露算係酒精含量較少嘅燒酒，一般大概20度左右。餐廳以真露焗煮蜆，既能夠帶出其鮮味，又能當作調味，只要加入蒜蓉同粉絲，就會完成大家爭住食嘅一道美味焗蜆。粉絲索滿真露微微嘅酒氣同蒜蓉嘅芬香，配上肥美焗蜆，正呀！
蜜糖芥末炸雞 🍗
蜜糖芥末醬唧滿喺炸雞堆上面，內有單骨雞翼10件同雞鎚4件。炸雞脆漿唔會過厚，即使上檯時早已淋滿蜜糖芥末醬，放涼後食炸雞依然脆口，十分驚喜。
芝士年糕 🧀
芝士年糕炸得金黃香口，外皮微Q，內餡拉絲芝士同軟糯嘅年糕相輔相成，食正餐前食件炸鹹點，最適合不過。
一口芝士 🧀
三角狀嘅炸芝士一口一粒，每口都有濃醇嘅芝士香氣，酥炸口感容易上癮，必食推介！
韓川燒肉拼盤 🧆
呢個燒肉拼盤有齊豚肉、雞扒同西冷，啱晒多人分享之餘，亦滿足到唔同人嘅飲食需要。三款燒肉燒得金香，上檯時會用熱盤呈上，配上生菜包同秘製燒肉醬、芥末醬、蒜片等，還原韓式燒肉風味。豚肉肥瘦相間，多汁肉嫩；雞扒肉滑皮脆，雞香十足；西冷肉質緊實，滿滿牛香。
牛肋骨湯 🍲
朋友們選擇韓式石鍋湯中最具人氣嘅牛肋骨湯，除牛肋骨外，仲配有粗身粉絲、大蔥、翠肉瓜粒粒同雜菇粒粒，食材非常豐富。熱湯味道濃郁，散發淡淡嘅牛香味，牛肋骨肉質軟嫩、富膠質，愛牛嘅朋友們都食得好滿足。餐牌上所有湯類均配白飯一碗，價錢由$68至$198不等，絕對係高性價比之選！
[價錢 Price]
💰$88/2隻
芝士牛油燒帶子 🐚
即點即燒嘅帶子多汁、口感唔乾柴，燒得恰到好處。連殼帶子表面鋪滿大量芝士，再加入牛油，拉絲芝士燒至半焦狀態，香氣撲鼻，非常好食。
[價錢 Price]
💰$88/2隻
鹽燒虎蝦 🦐
四大隻鹽燒虎蝦燒得相當吸引，隻隻都長過我手掌，蝦頭膏非常甘甜，蝦肉亦非常爽口彈牙，果然新鮮食材以最簡單嘅方式烹調，已經可以帶出鮮味！
[價錢 Price]
💰$68
韓式炸餃拼盤 🥟
全場我最愛食嘅係炸餃拼盤，泡菜餃、粉絲餃同雞皮餃各有兩隻，每款炸餃外皮都炸得非常香脆，我鍾意泡菜餡嘅味道、粉絲餃嘅口感同雞皮餃嘅香氣，三款餃子都好啱我口味，無可挑剔！
張貼
