阿爺八鮮鍋 (已結業)

🐽是日精選足料燉湯燉湯好清甜好足料，飲完唔會頸渴，下面仲有個火熱住，熱辣辣🤤🐽時令刺身拼盤款式次次都可能會唔同，睇返當日有咩新鮮，今次係海立魚、日本甜蝦同火炙左口魚，另外like埋社交平台就會送海膽，海立魚的質感好得意，佢好有咬口，魚味就一般，左口魚就好味，個汁甜甜地，而且好滑😳，海膽同甜蝦就正常味道🐽花膠年糕雞煲雞既質感幾嫩滑，個汁就鹹淡適中，年糕同花膠都索哂d汁😋🐽西瓜豬展湯同喇沙湯由於兩個都好想試，最後就揀左鴛鴦鍋，西瓜豬展湯好似好伏咁，但飲落去其實係冇西瓜味😂喇沙湯都唔係好濃，相信係因為唔想破壞打邊爐淥海鮮既鮮甜味🐽超級海鮮盒有南非鮑魚，日本元貝同龍蝦，三樣都好鮮甜，口感好爽滑，龍蝦雖然唔大隻，但都有d膏，而且所有海鮮都處理得幾乾淨👍🏻🐽海鮮及火鍋配料呢度好多款海鮮都係任食，基本上諗得出既都有，最推介既係鮑魚、蟶子皇、海花蟹、龍躉頭腩、原粒帶子、生蠔同墨魚嘴，有啲海鮮新鮮到會郁，真係食海鮮食到飽👅👅呢度既牛肉唔係一般肥牛，而係手切嘅安格斯牛小排，雖然比起肥牛瘦，但相比起肉味濃好多，而且唔會韌。因為食到咁上下已經飽飽地，其他既火鍋料都淨係試左幾款，包括新鮮雞腸、牛舌、西班牙黑豚肉