鋿晶館

營業中

休息中

肥仔喺荃灣食過一次呢間鋿晶館，自家製點心，品質非常之好。今日喺旺角又見到佢，食過返尋味！🍵月半彎晶瑩鮮蝦餃蝦餃大粒，餃皮煙韌，蝦肉大大隻，鮮味爽口！🍵香麻蓉煎堆仔煎堆外面不但有芝麻香脆，咬落去有糯米嘅煙韌，加埋黑麻蓉仲正呀！🍵齒頰留香脆蘿蔔腸有啲網狀脆片包實啲蘿蔔絲，中層夾埋椰菜同蝦仁，然後最外面有層腸粉皮包裹住，又脆又煙韌，口感好多， 好有層次！🍵川芎白芷天麻燉斑骨湯超足料，勁多湯渣，非常夠熱。個燉湯幾好飲唔會好鹹，而且有輕微葯材味，真材實料！🍵暖身千層薑汁糕甜甜地，但唔算太甜，煙煙韌韌，為呢一餐作一個完美嘅總結。總結，肥仔食完又食都覺得呢間點心店非常之高質。所有點心現場即點即做，手作點心，師傅曾就職於日本東京富麗華多年，專為高管達人和明星服務，回港後在多間米芝蓮酒店及大型連鎖酒樓集團做主管，經驗豐富！值得食完又食！