貓啡

營業中

休息中

今日同個女去貓貓cafe，平時個啲未必比小朋友去玩，一家三口出去旺角貓貓Cafe,上到去地方都算大，可以選擇坐位置都不錯，啲貓貓好多，仲要好乖，任我哋摸，仲有啲好嗲會坐係大髀🥰坐低掃QR code 下單。我個女玩到唔捨得走，下次都可以再去玩。 招牌蒜香明太子蟹肉闊條麵好香嘅蒜香同埋明太子嘅味道，有少少蟹肉，個碟上有兩個貓貓手掌。溫泉蛋卡邦尼扁意粉，幾cream ，覺得扁意粉比較硬身，可以再煮多少少好啲。小食配薯角，熱辣辣，好脆口，另外叫蜜糖雞翼，呢個好岩小朋友食，小朋友食唔停口，同蘋果汁都好大杯，熱抹茶拿鐵 ，拉花係貓手掌，抹茶味好濃味，好正。如果喜歡貓貓既朋友仔可以去坐下玩下貓飲杯野都幾好。