SHAKE!T

營業中

休息中

行過豉油街就聞到好香嘅蛋香味，決定試呢間專賣奶昔同窩夫嘅人氣小店。落單後新鮮即製，要稍等一陣。意大利開心果醬奶昔加開心果碎 奶昔面層灑滿開心果碎，一啖入口已經充滿濃郁嘅開心果味道，本身奶昔奶香味極濃，口感滑溜，入口即化，中間仲有脆卜卜開心果碎，甜中帶少少咸香。義大利開心果醬果真與別不同，飲得出的真材實料，開心果味好！實！在！日本抹茶奶昔加珍珠 抹茶奶昔上呢隻極可愛嘅熊貓棉花糖實在太吸睛! 抹茶奶昔味道香濃，的確有日本抹茶嘅感覺。黑糖珍珠煙韌有嚼勁，仲有一條KitKat朱古力棒，為抹茶帶來一點甜。士多啤梨窩夫三文治窩夫賣相十分得，外層酥脆，中間柔軟，蛋香味極濃。吉士醬細膩香滑，甜度適中，仲有超新鮮勁鮮甜嘅士多啤梨粒。爆谷鹽焦糖窩夫三文治 $35鬆軟窩夫加上脆卜卜嘅爆谷，口感幾特別。每粒爆谷都爆得好均勻，焦糖味香濃，窩夫之上再淋上香甜嘅焦糖漿，味道更加濃郁，鹹甜拿捏恰到好處。用料及製作都極具誠意，不得不讚每一杯奶昔都用料十足，睇住店員姐姐直接唧出雪糕加入材料細心製作，水果又新鮮，每款賣相都好精緻，估唔到旺角嘅街頭小食已經進化到呢個地步。