Sky726

今次同朋友嚟到旺角呢間西餐廳食飯，都幾有情調，可以分享下。餐廳坐落於25樓，一則有排落地大玻璃可以睇到旺角夜景，好岩打卡同睇住靚景飲酒，可惜當天冇安排到我地坐靠窗位。我哋叫咗兩個主菜+一個小食，份量正常。 留意到好多客人都叫左cocktail，個人覺得環境都幾適合同朋友/情侶飲酒傾偈👍🏻香草燒春雞半隻 $188燒春雞應該係有充分地醃過，有濃郁嘅香草味，肉質嫩口多汁，都不錯👍🏻薯角略嫌有少少乾。慢煮黑毛鞍豬扒配意大利黑醋汁 $188豬扒厚身，因為係慢煮嘅緣故，切開咬落去都比較霖，有黑醋汁配搭，都算係正常發揮。炸雞軟骨粒 $88正常發揮，炸得香脆，岩配酒飲👌🏻總括來講呢度環境都算有格調，加上落地大玻璃靚景，係一間比較適合朋友/情侶黎飲酒傾計的餐廳。個人覺得餐牌定價接近尖沙咀地舖價錢，對標食物質素嚟講，性價比略低。