吃吧 (僑建大廈)

營業中

休息中

🉐全新Cocktail Menu🉐指定日子Live Music表演香草白酒芝士藍青口配法包🧀🦪🥖青口份量非常多，配上水牛芝士同白酒煮過嘅汁非常之夾，再用蒜蓉法包沾黎食，係一個美味而且令人滿足嘅前菜。西班牙火腿蜜瓜🥓🍈食西餐例牌都會叫一份西班牙火腿配蜜瓜，蜜瓜非常甜，更加能夠帶出火腿嘅鹹香味，旁邊仲有沙律菜，夠晒清新！凱撒沙律🥗凱撒沙律可以額外加配料，喺火腿、雞胸同埋煙三文魚之中，今次就揀咗煙三文魚，估唔到份量都唔少大概有六片，而且沙律仲有一隻溫泉蛋，同沙律菜撈埋一齊食，非常夠味。德國鹹豬手配酸椰菜🍖上枱嘅時候鹹豬手已經起咗骨，而且切成一嚿嚿，豬手皮非常香脆，而且豬手肉一啲都唔鞋，旁邊仲有芥末醬同鹹酸菜可以夾埋一齊食。"Piggy" Ocean🧊呢杯酒係由gin調成，口味就以荔枝同檸檬為主，賣相非常特別，酒味都算重，啱晒鍾意飲酒嘅人。Passionate "Rambo'🍹而呢杯就以white rum調成，口味就以熱情果、橙汁同菠蘿汁為主，一飲落去果汁味超重，所以適合一啲唔係好濃酒味嘅人，而且好大杯，一路食西餐一邊飲酒最適合。