馬祖無限時台灣養生涮涮鍋

營業中

休息中

食邊爐放題重點之中嘅重點，當然就係牛肉 🥩。今次我哋呢個餐有兩種任食牛肉，分別係安格斯牛肩胛同埋安格斯牛肉。佢哋嘅牛肉係咁多間火鍋店入面，我會認為係相對出色，唔會好肥，亦都唔會好韌，啱啱好！ 同其他火鍋店唔同嘅係，佢哋有提供shake shake 番薯條 🍟，而且都係包括喺套餐入面，絕對會推薦紫菜味 🌊。 當然台式邊爐亦都唔少得佢哋嘅小吃 🍢，佢哋嘅台灣肉腸等等嘅台式小食亦都中規中矩。而且佢哋嘅火鍋配料種類亦都相當之多，只要你諗到嘅全部都有 👍。 而湯底我哋今次就嗌咗田園蕃茄雞肉湯 🍅同壽喜燒湯，湯底亦都冇令我哋失望，成個湯底好入味，第一啖食已經覺得超出咗其他火鍋店幾班！ 最後飲品方面，佢亦都提供咗幾種嘅茶 🍵，同埋汽水 🥤，一邊食住咁熱氣嘅火鍋，一邊飲住解熱氣嘅茶，心理都會平衡返啲！