部屋咖啡室

Homemakecafe好適合朋友歡聚嘅秘密基地！環境清靜，氛圍溫馨，仲有免費嘅board game借用，very nice!蜜糖雞翼炸到金黃香脆，外層輕輕裹上蜜糖，入口甜味適中，唔會膩，雞肉非常嫩滑，一咬就感受到滿滿嘅肉汁！讚！椒鹽魷魚炸得啱啱好，外層保持酥脆，內裡柔韌富彈性，椒鹽調味恰到好處，帶出咗魷魚嘅鮮味，份量都好足！芝士西蘭花煮得嫩綠爽口，再鋪上一層香濃嘅芝士焗到微微焦黃，芝士嘅鹹香同西蘭花嘅清甜互相融合，健康之餘又唔失美味。千島夏威夷Pizza鋪滿左拉絲嘅芝士、甜中帶酸嘅菠蘿同咸香嘅火腿，每一口都係滿足。千島醬嘅加入令味道更豐富而有層次。水果茶係非常清新嘅選擇，茶嘅香氣配合住水果嘅甜酸味，飲落非常解渴，亦都幫助解膩，勁大壺，性價比高！豆腐芝士蛋糕質地細膩，豆腐嘅清香同芝士嘅濃郁味道平衡，口感輕盈，唔會過膩，食完仲想再嚐多件！