影片
更多
2023-12-08
149 瀏覽
茶聊位於全香港嘅中心點旺角，無論住邊度嘅朋友聚會都方便就腳～食物方面，西餐、甜品同飲品都做得好好，環境都好舒服好好坐😍首先講下珍寶巨蝦配龍蝦忌廉汁扁意粉，大蝦鮮嫩多汁而且真係好巨型，意粉煮得剛好彈牙，湯汁濃郁而唔會太鹹，加咗啲調味仲加強咗整體口感，值得一試。然後我點咗佢哋嘅招牌安格斯牛肉漢堡。呢個漢堡真係好出色！賣相一流，用一個鳥籠上菜，非常精美啱晒打卡🤩牛肉好彈牙juicy，有效鎖住肉汁。配料新鮮，有脆生菜、蕃茄同埋靚荷包蛋等等，令口感好多層次。最後，我試咗佢哋嘅趣脆果仁朱古力牛油千層酥配雪糕。呢個甜品真係驚喜！千層酥每一層都好酥脆，口感豐富，加埋濃郁嘅朱古力醬同埋雪糕，用呢個甜品作結真係一個完美嘅句號。如果今晚未諗到食咩，我好推薦你試吓呢間餐廳，同埋一定要叫呢度嘅特色飲品！熊仔冰整出嚟嘅咖啡超靚，髒髒朱古力都好香濃，餐廳仲有好靚嘅佈置裝修，鍾意打卡嘅朋友萬勿錯過😋茶聊 📍旺角砵蘭街189號1樓
首先講下珍寶巨蝦配龍蝦忌廉汁扁意粉，大蝦鮮嫩多汁而且真係好巨型，意粉煮得剛好彈牙，湯汁濃郁而唔會太鹹，加咗啲調味仲加強咗整體口感，值得一試。
然後我點咗佢哋嘅招牌安格斯牛肉漢堡。呢個漢堡真係好出色！賣相一流，用一個鳥籠上菜，非常精美啱晒打卡🤩牛肉好彈牙juicy，有效鎖住肉汁。配料新鮮，有脆生菜、蕃茄同埋靚荷包蛋等等，令口感好多層次。
最後，我試咗佢哋嘅趣脆果仁朱古力牛油千層酥配雪糕。呢個甜品真係驚喜！千層酥每一層都好酥脆，口感豐富，加埋濃郁嘅朱古力醬同埋雪糕，用呢個甜品作結真係一個完美嘅句號。
如果今晚未諗到食咩，我好推薦你試吓呢間餐廳，同埋一定要叫呢度嘅特色飲品！熊仔冰整出嚟嘅咖啡超靚，髒髒朱古力都好香濃，餐廳仲有好靚嘅佈置裝修，鍾意打卡嘅朋友萬勿錯過😋
茶聊
📍旺角砵蘭街189號1樓
張貼
