Sky726

今日同閨蜜gathering, 佢揀左係旺角好有氣氛既西餐廳，sky 726我地黎到既時候仲早，可以咁岩睇到日落，高空落旺角都是第一次，環境真心100分。由於我地2個唔太餓關係，於是我地叫左4樣野share小食： 雞飲骨熱辣辣，炸得好香脆，配埋黑松露sauce 超正。主菜：黑松露菇意大利飯一上枱就已經聞到超濃既黑松露香味，勁吸引。意大利飯煮得岩岩好，軟硬適中，菇類仲可以增加口感。但如果自己食曬1碟，就可能有少少膩，建議同人share 就perfect 🥰飲品：Very Bery呢杯係mix berry juice, 飲落酸中帶甜，好消暑，同時都可以解解膩。甜品：檸檬意大利軟芝士泡沫件草莓雪芭上菜時有一位侍應介紹甜品，底嘅紅色水係裝飾，上面底層係芝士味嘅cream，打得好滑，入口有微微芝士同奶味，草莓雪芭食落口酸酸甜甜，係好開胃。