豐味蒸食

營業中

休息中

本身係個腸粉愛好者，偶然發現旺角有呢間皺皮腸粉，一食就愛上咗，仲介紹咗唔同朋友去食，個個都讚不絕口。雞蛋瘦肉腸粉同芫荽牛肉腸粉係我哋每次必叫，因為佢哋嘅蒜蓉辣椒醬好好食，我哋每次落好多，所以每人都要叫返杯豆漿送腸粉。腸粉皮唔算好薄，但係米漿整出嚟嘅腸粉好香，而且餡料好足，一人食一份都已經好滿足。如果多啲人去食仲可以試埋佢哋嘅蒸米粉，味道都唔錯，但係小鳥胃最好留返個胃嚟食腸粉😆次次去食都會聽到有人叫豬髀飯，我自己就麻麻地豬髀，大家有興趣可以試下。