影片
更多
2023-07-31
32 瀏覽
平時去旺角打邊爐都係去開創興嗰邊，今次就嚟到登打士街呢間轉攻海鮮嘅火鍋放題🔥店面裝修新淨，相對其他火鍋店面積唔算好大，同時啲枱都唔會擺得好密，兩個人都安排到四人枱，啲嘢食就唔洗擺得咁迫😌呢度嘅放題係雞煲加火鍋，19:00-21:30就$398一位再加一，其他時段就會平少少，入座之後首先要揀一款雞煲🐔有四川麻辣/泰式酸辣/韓式芝士揀，我地唔想食辣嘅關係就揀咗芝士🇰🇷雞煲一嚟到已經見到鋪滿左滿滿嘅雙色芝士🧀份量按人數比，所以雞件嘅數量唔會過多，煮溶咗啲芝士之後就可以開始食😙雞件有預先炸過，而煲入邊亦都有啲紫洋蔥增加香味🧅同時間職員亦都會送上一壺燉湯，入口味道似係雞湯🐓冇過多嘅調味，飲完都唔會覺得口渴😋食完雞煲就可以叫職員換煲開始打邊爐，喺等個湯底嘅時候可以食住份日式廚師推介🇯🇵有炸軟殼蟹+芝士年糕+芝士蝦丸🦀呢度勝在唔使加錢就可以揀鴛鴦鍋🍲我哋就揀咗豬骨湯同埋蕃茄湯🍅一開始奇怪湯底嘅味道唔會好濃（睇埋落去就知點解🤣）同時亦都會送上一盤龍蝦活海鮮拼盤🤤有原隻龍蝦🦞鮮鮑魚、扇貝、大蝦🦐同埋海蟹🦀睇得出係新鮮嘅海鮮，上枱嘅時候啲鮑魚同龍蝦仲識郁，龍蝦鉗嘅肉都好容易就甩到出嚟😆另外餐牌都有幾十款選
呢度嘅放題係雞煲加火鍋，19:00-21:30就$398一位再加一，其他時段就會平少少，入座之後首先要揀一款雞煲🐔有四川麻辣/泰式酸辣/韓式芝士揀，我地唔想食辣嘅關係就揀咗芝士🇰🇷
雞煲一嚟到已經見到鋪滿左滿滿嘅雙色芝士🧀份量按人數比，所以雞件嘅數量唔會過多，煮溶咗啲芝士之後就可以開始食😙雞件有預先炸過，而煲入邊亦都有啲紫洋蔥增加香味🧅
同時間職員亦都會送上一壺燉湯，入口味道似係雞湯🐓冇過多嘅調味，飲完都唔會覺得口渴😋
食完雞煲就可以叫職員換煲開始打邊爐，喺等個湯底嘅時候可以食住份日式廚師推介🇯🇵有炸軟殼蟹+芝士年糕+芝士蝦丸🦀
呢度勝在唔使加錢就可以揀鴛鴦鍋🍲我哋就揀咗豬骨湯同埋蕃茄湯🍅一開始奇怪湯底嘅味道唔會好濃（睇埋落去就知點解🤣）
同時亦都會送上一盤龍蝦活海鮮拼盤🤤有原隻龍蝦🦞鮮鮑魚、扇貝、大蝦🦐同埋海蟹🦀睇得出係新鮮嘅海鮮，上枱嘅時候啲鮑魚同龍蝦仲識郁，龍蝦鉗嘅肉都好容易就甩到出嚟😆
另外餐牌都有幾十款選擇，要留意番一次過最多淨係可以叫8樣🙈當然主打就係海鮮，有得任食鮑魚蟶子、龍躉片、白鱔片、蟹、廣島蠔等等，另外亦都有啲比較少見嘅肉類部位，重點講吓幾樣比較突出嘅配料😎：
原隻游水鮑魚：No.1推介！鮑魚好大隻，之後再叫上枱嘅都係識郁，質感彈牙🤤
台灣白鱔片：比其他火鍋店明顯地切得厚，所以入口魚皮嘅油香都重🐟
廣島蠔：脹卜卜幾飽滿🦪
本地豬天梯：第一次食，口感幾爽脆😝
本地豬腰：處理得唔錯，唔會有內臟嘅異味🤓
手打黑松露墨魚滑：黑松露味好香🍄
三才白魚蛋：彈牙得嚟幾有魚味🥢
上面講到個湯底嘅底味比較淡，原來落完一輪海鮮之後再飲已經變得與別不同😳多咗陣濃郁
嘅海鮮味，特別係蕃茄味同海鮮好夾🦐食到好飽都忍唔住飲返碗😍
另外$20可以升級任飲汽水同一啲盒裝飲品🧃最後仲有一細杯香芋慕絲做甜品，食完真係飽到上心口🤩
張貼
