韓川

營業中

休息中

行過旺角見到哩間韓國嘢唔錯，咁試試。餐廳裝修得幾韓風，打卡唔錯。韓國米酒白香桃味，米酒飲得多，白桃味就第一次飲。米酒飲落好清爽，唔會太重酒味，少少桃味點綴，唔錯。前菜燒韓國生蠔2隻，生蠔一隻有巴掌大，鋪滿咗厚厚蒜蓉，生蠔唔會燒得太幹，食落好juice鮮甜。韓川菜包五花腩+韓式秘制魔鬼辣醬（小辣），哩份五花腩可以揀小辣同魔鬼辣，魔鬼辣聽到都驚驚地，第一次試當然先試小辣啦。五花腩係成件上咗來，比咗膠剪比我地煎開，搭配咗生菜，芥辣醬，大醬，洋蔥同蒜片。五花腩燒得啱啱好，醬汁超級惹味，唔洗任何醬已經好够味。小辣真係唔辣，下次一定要試試魔鬼辣先得。三味山炸雞（炸醬，芥末醬同糖粉），哩份真係勁大，有單骨雞翅10件同雞比4件，炸醬少少甜味，搭配埋芥末醬一齊，同炸雞好夾。溫泉蛋虎蝦芝士湯烏冬，估唔到虎蝦勁大一隻，食落好鮮甜彈牙。湯底芝士味道好重，可以撈埋滑蛋一齊食。烏冬嗦曬湯汁味道，好好味。估唔到哩間韓國嘢質素勁唔錯，食完仲可以慢慢同FD飲杯米酒先！