牛之館 (已結業)

牛之館位於朗豪坊對面，行完街再去打邊爐，非常方便。牛之館以粉紅色貫徹裝潢主題。日台火鍋放題限時120分鐘，有3款價錢選擇，我地簡了專尚24品，所有食物，飲品都可以任叫，而且仲會送上刺身一客。有8款湯底可以選擇，湯底都幾特別，有柚子鹽鰹魚湯、舞茸菇昆布湯、百里香完熟茄湯、辣子爆雞雙響鍋等等，最後我地點了養生藥膳美人鍋。餐廳採用QR落單肉類和海鮮，另外丸類和蔬菜類位於自助吧，自助吧除了火鍋配料，亦有熟食、小食、生果、DIY 格仔餅。我地係牛魔王，主要食牛肉，牛肉有SRF和牛肩胛肉眼芯、特選安格斯牛板鍵、安格斯牛小排、澳洲草飼牛頸脊、手切封門柳，安格斯一口牛、每款都好高質，望落去牛肉仲係鮮紅色，非常新鮮。我最鐘意SRF和牛肩胛肉眼和特選安格斯牛板鍵我地encore 左幾碟，牛味真係好濃，脂肪分佈平均，口感細嫩。飲品有台式特飲，必飲黑莓蘋果果茶，淡淡的黑莓蘋果，以個味道我超級喜歡，而且仲可以中和邊爐的油膩感。最後食埋杯雪糕，為邊爐畫上完美的句號。