麻辣風雲 (已結業)

麻辣風雲今次嚟到旺角最多人食嘅川菜「麻辣風雲」， 呢間餐廳位於旺角瓊華中心，位置勁方便，瓊華中心輪椅人士都可以去到，餐廳都好大，完全適合輪椅人士上去食！入面裝修好有中國古典風，點餐就係用QR code嚟叫野食，一嚟就會先比兩碟前菜（$18），一碟係中華沙律，另外一碟係麻辣花生！1.欖菜四季豆粒炒飯$98（9/10）呢個炒飯份量超多，炒飯炒到粒粒分明，帶有咸香味！2.海鮮花甲粉$66+凍壇島咖啡$8（8/10）呢個花甲粉份量足，有4隻蜆、2隻蝦同萵荀，粉絲都幾多，湯底係清清地！凍壇島咖啡：香濃同滑！3.午市惹味雞軟骨$38（10/10）呢個雞軟骨份量算多，粒粒好脆口，軟骨唔硬易咬，辣辣地好惹味，仲有芝麻粒同下面有好多青瓜絲！4.午市陳醋手拍青瓜$26（8/10）呢碟手泊青瓜份量好多，大約有40舊青瓜，每舊青瓜好爽脆，蒜香醋味唔算重，如果加點辣就更好！5.午市麻辣夫妻肺片$38（9/10）呢個夫妻肺片麻麻辣辣，又有芝麻粒，勁有芝麻香，每舊都唔韌，而且吸收哂d辣汁，一碟大約有10片！6.荔枝蝦球$68（10/10）呢個荔枝蝦球係呢間餐廳最新菜式，一放上枱超有仙氣，成盆會噴煙嘅荔枝樹喺你面前，