影片
更多
2023-08-21
61 瀏覽
再次黎咗呢間安平燒肉嘆任食放題，澳洲M5和牛吃到飽每位都只係需要$378，海鮮都係任食，仲可以食足120分鐘，性價比高。食燒肉之前可以叫d夜市小食，好似黃金泡菜、安平炸蚵卷咁過吓口癮。先講佢哋嘅澳洲M5和牛，呢款牛肩胛肉油花夠哂靚，食落入口即融滿口油香。M5和牛放題除咗可以食到和牛，仲可以一次過食勻SRF極黑牛同安格斯牛，好似SRF極黑一口牛同安格斯牛小排，雖然冇和牛油花咁豐富，但就多咗一份肉感同牛香。秘製牛肋條醃得非常入味，肉質夠哂腍嫩。海鮮方面就有多春魚、帆立貝、虎蝦同鹽蒜生蠔等等。帆立貝超大隻厚身，隻隻都啖啖肉，加埋面頭嘅牛油一齊燒，食落仲有陣陣牛油香，我哋每人起碼食咗4隻。虎蝦都唔輸蝕，大大隻之餘，口感超爽彈。仲有燒生蠔，燒過之後仍然水嫩多汁，非常鮮甜。另外佢哋仲會有d期間限定嘅燒肉，我哋今次黎就食到鹽蒜麻油雪花豬同嚴選裙邊牛柳。個雪花豬食落超爽口，加埋個鹽蒜醬就更加香。仲有林林總總嘅嘢食可以叫，好似絲瓜煮蜆同奶油金菇。除此之外亦都可以去蔬菜corner夾d蔬菜黎燒，香菇、南瓜、翠玉瓜、車厘茄、洋蔥等等應有盡有。放題仲包咗幾款手調飲品好似冬瓜茶、用火龍果調製嘅紅火冰茶，亦都有各
食燒肉之前可以叫d夜市小食，好似黃金泡菜、安平炸蚵卷咁過吓口癮。
先講佢哋嘅澳洲M5和牛，呢款牛肩胛肉油花夠哂靚，食落入口即融滿口油香。M5和牛放題除咗可以食到和牛，仲可以一次過食勻SRF極黑牛同安格斯牛，好似SRF極黑一口牛同安格斯牛小排，雖然冇和牛油花咁豐富，但就多咗一份肉感同牛香。秘製牛肋條醃得非常入味，肉質夠哂腍嫩。
海鮮方面就有多春魚、帆立貝、虎蝦同鹽蒜生蠔等等。帆立貝超大隻厚身，隻隻都啖啖肉，加埋面頭嘅牛油一齊燒，食落仲有陣陣牛油香，我哋每人起碼食咗4隻。虎蝦都唔輸蝕，大大隻之餘，口感超爽彈。仲有燒生蠔，燒過之後仍然水嫩多汁，非常鮮甜。
另外佢哋仲會有d期間限定嘅燒肉，我哋今次黎就食到鹽蒜麻油雪花豬同嚴選裙邊牛柳。個雪花豬食落超爽口，加埋個鹽蒜醬就更加香。
仲有林林總總嘅嘢食可以叫，好似絲瓜煮蜆同奶油金菇。除此之外亦都可以去蔬菜corner夾d蔬菜黎燒，香菇、南瓜、翠玉瓜、車厘茄、洋蔥等等應有盡有。
放題仲包咗幾款手調飲品好似冬瓜茶、用火龍果調製嘅紅火冰茶，亦都有各式冷泡茶、罐裝飲料任飲。
檸檬/薑母茶沙瓦 $38
不過食燒肉又點可以唔飲酒，除咗啤酒仲可以特別d飲sour。兩款味各有特色，檸檬味夠fresh夠清爽，薑母茶味就夠香夠薑。
。
。
安平燒肉 (旺角)
旺角彌敦道593-601號創興廣場9樓
。
。
張貼
