大力水手炸雞

營業中

休息中

以前喺香港機場🛫有呢一間炸雞店，我經常食佢哋嘅牛油鬆餅🧈，我覺得係香港最好食嘅鬆餅之一，所以知道佢而家喺旺角開咗分店，一定要食下。今次我就冇食佢哋經典嘅牛油鬆餅，反而就試吓佢哋嘅炸雞🍗薯條🍟套餐，佢哋嘅炸雞真係即叫即炸，所以係會熱到辣手㗎 ！炸雞嘅脆皮味道好唔錯，平時我唔係特別鍾意食雞皮嘅人都會食一食，雞肉保留肉汁，炸魷魚圈都係有啲甜味，而我最鍾意嘅係佢嘅炸雞柳，其實好多健身嘅朋友都會鍾意食雞柳，而炸雞樓呢就唔係所有快餐店都有得食，雞柳炸完唔會好乾夾，易入口又含有豐富嘅蛋白質，所以好吸引。🍗