楓 (已結業)

黎到旺角覓食，雖然大大小小唔同菜式嘅餐廳都試過😪但捐窿捐罅都總會搵到驚喜😉今次黎到位置旺角近油麻地嘅仁安大廈，又俾我發現一間新店😲舖位唔算大位置亦比較低調，敞門拉開發現原來佢地係主打大阪燒同招牌烤蛋糕🧐蛋糕黎講焗同蒸就試得多，今次就試下「烤」嘅滋味又係點嘅先～《 北海道滨乙女芝麻醬烤蛋糕 》 $138 4.5 / 5即叫即整嘅烤蛋糕所以都預會等耐少少，不過一見到又大又多醬嘅蛋糕等都抵啦😎 「烤」蛋糕嘅製法獨特，先係煎香再去焗，質感好鬆軟，蛋味突出感覺同古早蛋糕有幾分相似😋👍🏻 加上自家調配芝麻醬好濃稠，香得黎唔會好甜，同蛋糕好夾🤤 配料方面亦好有心思，無論愛玉定蕨餅都相當煙韌，成個組合都好日系～《 えび大阪焼🦐 》 $88 4 / 5大阪燒有多款口味，試左蝦做主角，果然真材實料好足料😍 有椰菜、菇片等配材，同爽彈蝦仔🦐 細細隻嘅蝦肉更爽口同大阪燒其他配料好夾👍🏻 欣賞佢醬汁唔會好鹹，都會食到食材天然嘅甜味👍🏻《 抹茶豆乳 》 $58 4.5 / 5用豆乳取代牛奶反而抹茶味更濃郁，豆乳仲要入日本入口🤤 口感順滑，抹茶粉亦冇結塊🥴整體雖然只有烤蛋糕同大阪燒兩款食物，但反而令人更印象深