Black Coffee

營業中

休息中

旺角廣華街角落嘅Black Coffee走型格暗黑路線，餐廳裝修以黑色為主調，餐廳面向街景系落地玻璃窗，採光十足，連枱櫈碗碟都系黑色。紅菜頭藜麥沙律配香煎虎蝦色彩繽紛賣相出色，用咗非常多乳酪，開胃又健康，虎蝦大粒夠香口，搭配紅菜頭同藜麥營養豐富。手打牛肉及原隻大蘑菇漢堡配薯條黑色竹炭麵包焗得香脆，用咗厚切手打牛肉，牛肉高質，牛肉味濃郁，配上半溶芝士好邪惡，大蘑菇、蕃茄、沙律菜材料豐富，另配香脆薯條。黑芝麻椰漿烤雞瑪沙拿 烤雞肉質嫩滑，份量足夠，鐘意佢個椰漿咖哩再加黑芝麻醬，香濃惹味，撈飯一流。加上秋葵做配料，增加咗口感，另配沙律菜。竹炭黑芝麻鮮奶奶味突出，反而黑芝麻味弱咗，香滑可口，都有拉花。