老媽拌麵 (THE FOREST) (已結業)

平日收工後的旺角都幾「繽紛」，為咗同大家一齊支持繽紛，是夜閒逛完旺角後來到呢間餐廳享用晚餐。餐廳主打台菜，食物感覺比較light啲，兩口子就點咗個2人套餐～2人套餐都幾夠食，可算係4道菜套餐。除咗主食，仲有前菜、台式小吃拼盤、飲品及甜品，最平二百幾蚊就可以找數，幾抵食！滷水牛三寶拼盤牛腩、牛肚、牛筋，仲有埋滷豆腐添，好滋味！西紅柿慢煮牛肋條鍋（珍珠米飯） 必食推介！！平時食牛肋條好易過韌，今次牛肋條卻整得好軟腍，加埋口感清新的番茄醬汁，連埋熱辣辣的鍋上枱，不太感覺油膩，而且分量相對幾多，有4-5件牛肋條，好正！烤台灣香腸肉燥飯簡單烘烤的台灣香腸，口感煙韌，配搭埋呢碗滿滿肉燥飯，yummy！套餐飲品可選花茶、咖啡，另可升級飲品，我哋選擇咗黑糖珍奶、荔枝綠茶。甜品則選擇咗花奶仙草凍，一解主菜的油膩感，完滿！