影片
更多
2024-03-14
61 瀏覽
👦🏻👧🏻星期一晚去咗旺角創興廣場樓上食「安平燒肉」，呢度有四款套餐選擇，我地嗌咗最貴嘅澳洲M5和牛吃到飽（16:30-21:00入座） $418，任飲任食120分鐘，可以試哂所有級別嘅食物😍！外面有自助蔬菜區🥒同飲品櫃🥤，飲品櫃入面有自家冷泡茶同各款罐裝飲品。主要食物就掃手機QR code 落order，仲有幾款台式飲品揀添！🐮牛肉推介🤍澳洲M5和牛肩胛肉：見到雪花好吸引，肉質柔軟細膩，肉味濃厚。🤍安格斯牛小排：如果鍾意肉味濃嘅話，一定要試吓牛小排，佢嘅肉味最濃，入口軟滑。🤍嚴選牛舌芯：長條型嘅牛舌芯有啲厚度，咬落去特別有口感。🦐海鮮推介🤍屏東燒魚腹，魚肉好滑嫩，配上甜甜嘅醬汁，味道幾特別。🤍爽彈虎蝦：建議燒嗰時加鹽落哂兩邊，鹽味先可以滲透落蝦肉入面，蝦肉大大隻，爽口彈牙正阿！🐤雞肉推介🤍安平私房雞翼：雞翼已經預先開半，可以快啲燒熟食。雞翼味道似土匪雞翼，鹹鹹香香肉質嫩滑。🤍香辣腎片：雞腎片口感爽脆，辣得幾惹味。🧆台灣夜市小食推介🤍安平炸蚵卷：外層卜卜脆，入面好有蚵仔香氣。🤍澎湖花枝排：有啲似炸蝦餅嘅口感，食到粒粒墨魚粒，香脆好彈牙。🤍台灣小枕頭：上枱嗰時係薄薄一片麻糬，仲以為係店員俾
🐮牛肉推介
🤍澳洲M5和牛肩胛肉：見到雪花好吸引，肉質柔軟細膩，肉味濃厚。
🤍安格斯牛小排：如果鍾意肉味濃嘅話，一定要試吓牛小排，佢嘅肉味最濃，入口軟滑。
🤍嚴選牛舌芯：長條型嘅牛舌芯有啲厚度，咬落去特別有口感。
🦐海鮮推介
🤍屏東燒魚腹，魚肉好滑嫩，配上甜甜嘅醬汁，味道幾特別。
🤍爽彈虎蝦：建議燒嗰時加鹽落哂兩邊，鹽味先可以滲透落蝦肉入面，蝦肉大大隻，爽口彈牙正阿！
🐤雞肉推介
🤍安平私房雞翼：雞翼已經預先開半，可以快啲燒熟食。雞翼味道似土匪雞翼，鹹鹹香香肉質嫩滑。
🤍香辣腎片：雞腎片口感爽脆，辣得幾惹味。
🧆台灣夜市小食推介
🤍安平炸蚵卷：外層卜卜脆，入面好有蚵仔香氣。
🤍澎湖花枝排：有啲似炸蝦餅嘅口感，食到粒粒墨魚粒，香脆好彈牙。
🤍台灣小枕頭：上枱嗰時係薄薄一片麻糬，仲以為係店員俾錯咗，原來燒一陣麻糬嘅中間位會自己漲起，好似一個小枕頭咁。外層脆脆地加煙靭嘅口感，沾上煉奶食好好味呀！
🍹飲品推介
🤍冬瓜茶：可以嗌少甜少冰，微甜解渴！
🤍百香果綠茶：酸酸甜甜幫助解膩，入面仲有啲菠蘿粒食。
🍨食完之後，會送番每人一樣甜品，可以揀Haagen-Dazs雪糕或者台式芋圓糖水。雪糕有曲奇、士多啤梨同朱古力味，我哋揀咗朱古力味雪糕做我哋呢餐嘅結尾☺️～
📍 安平燒肉 (旺角)
旺角彌敦道601號創興廣場9樓
張貼
