好燒式串燒專門店 (砵蘭街)

營業中

休息中

話說今日同個老best去旺角行街，跟住就上open rice睇吓有咩好嘢食。老best就話想食燒嘅嘢食。一坐低，店員誠意邀請我哋點鹽燒大眼雞。厚燒玉子，個玉子燒真係天花板，燒到金黃色，加咗一層蜜糖，甜度剛剛好，外脆內軟，軟硬適中，剛剛燒好就上菜，熱辣辣，食到停唔到。燒菠蘿，本身個菠蘿好新鮮，燒完啲糖份出晒黎，形成好似焦糖咁，有好淡嘅酸味，甜而不膩，食完好舒服好開胃。😋頂級安格斯牛小排，我哋叫咗七成熟。牛肉味好重，好香，配合芥末醬同埋啲greens，一啖一口牛，口感好豐滿。黎呢度一定要叫海鮮，我哋叫咗三款海鮮，全部好新鮮，再加埋燒烤技巧純熟，全部都剛剛好，講食物嘅鮮味發揮得淋漓盡致。蒜蓉燒聖子王，蒜蓉味好香，配合金菇墊底吸收埋啲海鮮味，除咗口感豐富做，食得出聖子嘅嗰種鮮甜。蒜蓉燒扇貝 首先扇貝好大隻，調味調得好好食，除咗蒜蓉佢仲加咗有三文魚子，夾埋一齊食好新鮮好甜。另外食咗咁多燒嘢、叫咗枝竹蔗茅根下下火鹽燒大眼雞真係無點錯，唔好講笑。賣相好得，個皮燒到好脆唔油，食落口有微微嘅魚香味，跟住啲魚肉好滑，好鮮味，真係好好食。隨後朋友話食燒烤點可以唔叫雞翼，隻雞中翼外脆內軟得嚟keep到肉汁，燒