甜牙牙

營業中

休息中

每次經過都排哂隊嘅甜牙牙今次8點黎到 好好采咁等左一枱就有位坐📍抹茶心太軟平時都係食開最classic朱古力味嘅心軟今次決定試下其他口味一切開 啲綠茶醬不停流出黎綠茶味好濃好香 有少少甘味甜得黎唔會太膩而個個心太軟外皮焗得好脆仲有啲杏仁片同餅碎口感更豐富📍抹茶窩夫驚食唔晒所以冇嗌到佢另外大份啲個款一黎到個plating勁靚 勁岩打卡個窩夫好脆 而入面幾濕潤 好似雞蛋仔咁 不過冇咁甜所以配上甜甜嘅紅豆蓉就啱哂啦而個綠茶蛋糕比起心太軟入面個綠茶醬 奶味比較重 比較甜下次再黎嘅話 會想試埋佢地嘅鬆餅！