影片
更多
2022-11-26
2165 瀏覽
從來冇諗過一餐可以食齊雞煲、火鍋同燒肉。呢間位於旺角同筲箕灣嘅喜亭軒就可以一次過滿足哂呢三個願望。今次黎咗旺角分店，喺正旺角站附近，夠哂就腳。呢到唔同時段唔同收費，我哋今次係一至四晚市正價時段，揀咗可以食美國SRF黑毛和牛嘅美饌B雞煲海鮮放題套餐，$308/位，任飲任食2個鐘，都算係抵食。餐廳會先上雞煲，雞煲可以揀辣度，雞肉爆到好香惹味，入面仲有索哂味嘅豬皮，份量岩岩好夠過癮但唔會食到好飽。除咗雞煲，餐廳仲會先上一份送嘅刺身拼盤，今日就有甜蝦、八爪魚、三文魚、貝類等等，不過始終唔係主打，質素正常。食完雞煲就可以叫店員換燒烤盤兼夾上埋個火鍋底。湯底選擇都唔少，我哋就揀咗藥膳湯，清湯帶淡淡藥材嘅芳香，好味又滋補。火鍋本身包一份海鮮拼盤，有蟶子、海蝦、鮑魚、青口、墨魚、斑腩，非常豐富。海鮮都算新鮮，味道鮮甜。點嘅配料，可以用黎打邊爐，又可以拎黎燒，兩種食法任君選擇，我哋就主力食打邊爐。肉類方面當然主打美國SRF黑毛和牛，油花分佈平均，肉味香濃，肉質腍嫩。另外仲有安格斯肥牛、牛舌、羊肉片、豬肉、雞、各式餃類、丸類、蔬菜等可以點。飲品方面各式啤酒、汽水、紙包飲品都係任飲，亦都有品同款式嘅雪條任食
餐廳會先上雞煲，雞煲可以揀辣度，雞肉爆到好香惹味，入面仲有索哂味嘅豬皮，份量岩岩好夠過癮但唔會食到好飽。
除咗雞煲，餐廳仲會先上一份送嘅刺身拼盤，今日就有甜蝦、八爪魚、三文魚、貝類等等，不過始終唔係主打，質素正常。
食完雞煲就可以叫店員換燒烤盤兼夾上埋個火鍋底。湯底選擇都唔少，我哋就揀咗藥膳湯，清湯帶淡淡藥材嘅芳香，好味又滋補。火鍋本身包一份海鮮拼盤，有蟶子、海蝦、鮑魚、青口、墨魚、斑腩，非常豐富。海鮮都算新鮮，味道鮮甜。
點嘅配料，可以用黎打邊爐，又可以拎黎燒，兩種食法任君選擇，我哋就主力食打邊爐。
肉類方面當然主打美國SRF黑毛和牛，油花分佈平均，肉味香濃，肉質腍嫩。另外仲有安格斯肥牛、牛舌、羊肉片、豬肉、雞、各式餃類、丸類、蔬菜等可以點。
飲品方面各式啤酒、汽水、紙包飲品都係任飲，亦都有品同款式嘅雪條任食。食飽仲有一人一杯movenpick雪糕添，夠哂滿足。
。
。
喜亭軒 (旺角)
旺角亞皆老街16號旺角商業大廈3樓
。
。
張貼
