Peko Peko Eatery (康怡廣場北座) (已結業)

宜家太古都有PEKO PEKO，實在開心，環境寬敞清新樓底高，有私隱度既半圓枱，有開放式既枱，但每張都相隔一定程度非常舒適。菜單非常多元化同吸引，一家大細都岩食。烤彩虹芝麻脆皮羊架 $318因為家人口味，我地要左全熟羊架。但估唔到肉質仍然可以保持到非常鮮嫩冇羶味，外層脆皮非常惹味，香氣十足。扇貝明太子意大利麵 $128帶子厚肉鮮香，粉紅色嘅忌廉超級creamy有奶味，味道帶甜唔會辣或太咸，加埋三文魚子一咬爆開既咸香，非常開胃，好快就清晒。軟殼蟹墨西哥夾餅 $98原隻脆炸軟殼蟹，啖啖肉，薄餅香脆，仲有其他配料，如三文魚子、青瓜、紫菜、沙律菜，係豐富爽口既小食。脆玄米茶麻糬Mousse $68綠色外殼有新鮮感，淡淡茶香加上脆米，中間有顆粒感，唔會太甜口感豐富。餐廳仲不時有其他加購優惠，好正。