Sky726

朋友喺旺角放工帶咗我嚟呢間有靚景睇日落嘅餐廳！真係超級浪漫💕主菜都幾多選擇✨慢煮黑毛豬鞍扒配意大利黑醋汁及牛菌醬汁職員好細心介紹菜式，叫我哋注意因為係慢煮嘅關係黑毛豬鞍扒切開會有少少粉紅色！主菜嚟到嘅時候超級香而且見到黑毛豬鞍扒有微微煎到一格格嘅痕跡，而且擺盤都好高級！一切落去塊黑毛豬鞍扒就知道係用料上乘！食落口超級軟林林而且好多汁，我朋友都話超級有驚喜！👍👍👍✨意大利手卷意粉伴野菌巴馬臣芝士芝士超多而且絕對有拉絲後果，味道幾特別唔係到到地方都食到！意粉質地幾特別，唔會太軟，有輕輕嘅煙韌同時亦都唔會太硬！醬汁濃郁但係唔會覺得飽滯！🤗🤗🤗✨檸檬蛋白脆炸彈呢個甜品簡直係集好玩又好食於一身！做型非常適合打卡，餐廳會俾個木錘仔你輕輕敲開檸檬蛋白脆！入邊係會有檸檬醬汁同埋雜果！酸味指數都幾高，衝擊味蕾！好適合鍾意酸嘅朋友仔