How To Live Well (K11購物藝術館)

營業中

休息中

好耐之前已經去過HOW嘅觀塘店，裝修以木色簡約主義風格為主，坐得好舒服。今次朝聖尖沙咀店，裝修延續以往風格，令人驚喜，每一個角落都似相同，卻又不同，從枱凳的款式、擺放以及空間感、自然光的利用，都令人舒服。野食方面選擇都算多，款式多得嚟，食物嘅搭配同選擇亦算新奇出彩。本人最中意嘅係個牛肋肉，分量慷慨，肉汁鮮嫩，肉味濃郁，一d都唔柴，抵讚👍。另外個厚切日本四元豚肉(個名咁難讀😂)用慢煮嘅方式處理，所以肉好嫩，sides係薯蓉同肉桂蘋果蓉，個🍎香甜，配埋豚肉入口，別有一番風味。話說我平時好憎食年糕，但系哩度個年糕串賣相討好，於是決定食一啖。點知，好好味wor，真系跌眼鏡😂，各位值得一試。