禮 (打鼓嶺道)

營業中

休息中

今晚約左朋友去食飯，搵左間居酒屋可以慢慢邊食邊傾計，呢間叫禮既居酒屋，之前食過太子分店，今次方便泊車，就揀左九龍城分店。餐廳裝修用左好多唔同木系顏色，而且牆上仲放左好多sake杯，充滿住日本居酒屋風情味。叫左好多唔同小食，比較喜歡佢個蟹肉蟹羔甲羅燒，爭啲睇唔到蟹蓋下面有隻生蛋，將隻生蛋撈落啲蟹羔到，味道更加甜，加上本身啲蟹羔好新鮮，所以好濃味，夾埋啲熱熱地既梳打餅食，相當搭。另外，佢啲串燒都好出色，印象比較深刻係青森青提豚肉卷，一塊嫩滑既豚肉包住粒青提子，又咸又甜，但又唔覺得奇怪，值得一試。